BILONG WANEM EM I BIKPELA SAMTING: Pasin bilong autim tok long rot bilong telefon em wanpela gutpela rot bilong “autim gut tru dispela gutnius.” (Ap 20:24) * Em i opim rot long yumi inap autim tok long ol man sapos i gat ol samting i mekim na i hatwok long yumi go long haus bilong ol man na autim tok long ol.

ROT BILONG MEKIM:

• Redi gut. Makim wanpela tok i stret long ol man bilong haus. Wokim autlain bilong tok yu bai yusim long autim tok. Em bai gutpela long sindaun long tebol, putim autlain bilong yu i stap klostu na ol samting olsem teblet we JW Library^® o jw.org^® i op na redi long yu ken yusim

• No ken pret na guria. Toktok gut. Smail na wokim han na pes olsem man i lukluk long yu stap taim yu toktok. Toktok i mas ron gut na no ken stop nating nating. Em gutpela long singautim ol arapela i kam wok wantaim yu. Sapos man bilong haus i givim wanpela askim, kolim strong na bai poroman bilong yu i helpim yu long painim bekim bilong en

• Stretim rot bilong mekim gobek. Sapos man bilong haus i gat laik long harim tok, givim wanpela askim na bekim long taim yu ringim em gen. Yu ken askim em sapos em orait long yu salim wanpela buk o nius long rot bilong e-mail o pas, o yu yet bai go givim long em. O yu ken askim em sapos em bai orait long yu salim wanpela vidio o atikol long rot bilong teks mesis o e-mail. Sapos i stret long mekim, yu ken tokim man bilong haus long narapela buk o nius long websait bilong yumi