8:6-9, 12; 9:1-5, 23, 24

Taim ol i makim lain bilong Aron long mekim wok pris, Jehova i salim paia i kam na kukim ofa bilong paia i kukim olgeta. Dispela i kamapim klia olsem Jehova i orait long wok bilong lain pris. Long dispela rot, Jehova i strongim ol Israel em ol i lukluk i stap long sapotim wok bilong ol pris. Long nau, Jehova i yusim Krais Jisas olsem bikpela Hetpris. (Hi 9:11, 12) Long 1919, Jisas i makim sampela bilong lain em Jehova i makim long holi spirit long mekim wok olsem “gutpela wokboi i gat savetingting.” (Mt 24:45) Wanem ol samting i kamapim klia olsem Jehova i blesim, helpim, na orait long wok bilong en?

• Maski ol man i birua long ol, lain gutpela wokboi i gat savetingting i wok yet long givim yumi ol samting yumi nidim bilong i stap strong yet long bilip

• Olsem Baibel i tok profet, ol i autim gutnius long “olgeta hap bilong graun.”—Mt 24:14

Olsem wanem yumi ken sapotim wokboi i gat savetingting?