BIHAINIM PASIN KRISTEN
Amamas Long Taim Ol Man i Mekim Nogut Long Yumi
Ol Kristen i mas save olsem ol man bai mekim nogut long ol. (Jon 15:20) Em tru olsem taim ol man i mekim nogut long yumi, yumi bai tingting planti na sampela taim yumi karim pen, tasol yumi inap stap amamas taim yumi sanap strong na karim hevi.—Mt 5:10-12; 1Pi 2:19, 20.
WATSIM VIDIO YUMI INAP STAP AMAMAS MASKI OL MAN I MEKIM NOGUT LONG YUMI, NA BIHAIN BEKIM OL DISPELA ASKIM:
Yu kisim wanem skul long ekspiriens bilong Brata Bazhenov olsem em i bikpela samting long
-
ritim Baibel long wan wan de?
-
kisim helpim long ol wanbilip Kristen? a
-
beten oltaim?
-
mekim ol singsing bilong Kingdom?
-
tokim ol narapela long bilip bilong yumi?
a Yumi ken beten long ol Kristen i stap long kalabus, na tu, em gutpela long kolim nem bilong ol. Tasol brens ofis i no inap long salim pas bilong yu i go long wan wan bilong ol.
