BIHAINIM PASIN KRISTEN
Abrusim Ol Dispela Samting Taim Yu Mekim Baibel Stadi
Toktok Tumas: No ken ting olsem yu mas stori long olgeta samting. Jisas i yusim ol askim bilong helpim ol man long wokim tingting na skelim gut ol samting ol bai mekim. (Mt 17:24-27) Taim yu kamapim ol askim, dispela bai mekim na stadi bai kamap gut. Na tu, em bai helpim yu long save sapos sumatin i kliagut long ol tok yu skulim em long en na em i bilipim ol dispela tok. (be 253-254 par. 3-4) Taim yu kamapim wanpela askim, no ken les kwik taim yu wet long sumatin i kamapim bekim bilong em. Sapos sumatin i no kolim bekim i stret, orait yu no ken tokim em long bekim bilong askim, nogat. Yu ken kamapim ol narapela askim bambai em i ken wokim tingting na kamapim bekim i stret. (be 238 par. 1-2) Toktok isi isi bambai sumatin inap kisim gut ol nupela tok yu kamapim.—be 230 par. 4.
No Ken Mekim Ol Samting i Hatwok: Abrusim pasin bilong tokaut long olgeta samting yu save long en long samting yutupela i stadi long en. (Jon 16:12) Tingim bikpela poin bilong paragraf. (be 226-227 par. 4-5) Sapos yu stori nabaut, dispela bai haitim bikpela poin bilong stadi. (be 235 par. 3) Sapos sumatin i kisimgut bikpela poin bilong paragraf, orait mekim neks paragraf.
No ken Hariap Long Pinisim Buk: Yumi laik bai sumatin i pilim tru ol samting em i lainim, na i no long pinisim buk hariap. (Lu 24:32) Yusim Baibel long skelim ol bikpela skripsa i stap long lesen yupela i stadi long en. (2Ko 10:4; Hi 4:12; be 144 par. 1-3) Yusim ol tok piksa em isi long kisimgut mining bilong en. (be 245-246 par. 2-4) Tingim ol samting em sumatin i hatwok long mekim na bilip em i gat, na redim stadi i stret wantaim save bilong em. Kamapim ol kain askim olsem: “Yu pilim olsem wanem long ol samting yu wok long lainim?” “Dispela i givim wanem skul long yumi long Jehova?” “Wanem gutpela samting i kamap taim yu bihainim ol dispela skultok?”—be 238-239 par. 3-5; 259 par. 1.