BIHAINIM PASIN KRISTEN
Mekim Wok Autim Tok i Kamap Gutpela Moa —Kirapim Ol Man i Gat Intres Long i Go Long Miting
RISEN: Oltaim ol miting i opim rot long yumi bung wantaim na “litimapim nem bilong Bikpela!” na ‘singim song long Jehova.’ (Sg 149:1) Taim yumi go long miting, yumi kisim skul long mekim laik bilong God. (Sg 143:10) Ol man i gat intres na ol Baibel sumatin i save mekim ol bikpela senis taim ol i kirap long i go long ol miting.
ROT BILONG MEKIM:
-
Yu mas invaitim kwik wanpela husat i gat intres long Baibel. Yu no ken wet inap long yu kirapim Baibel stadi wantaim em.—Re 22:17
-
Stori gut long man husat i gat intres long samting bai kamap long miting, na samting em yumi bai stori long en long neks miting. Ol dispela samting i ken helpim yu: Invatesen bilong singautim ol man i kam long miting, vidio Wanem Samting i Save Kamap Long Haus Kingdom?, na lesen 5 na 7 long buklet Laik Bilong Jehova
-
Helpim man. Olsem wanem? Man husat i gat intres i nidim helpim long sait bilong trenspot o long sait bilong makim ol klos i stret long werim? Sindaun wantaim em long taim bilong miting na serim ol buk em yupela i yusim bilong mekim miting. Kisim em i go bungim ol narapela