Jisas i kirapim tok taim em i askim meri Samaria long wara, na dispela i opim rot long em inap autim tok. Olsem wanem yumi inap kamap gutpela moa long kirapim tok wantaim ol man yumi no save long ol?

• Mekim pasin pren na toktok wantaim ol man. Maski Jisas i pilim skin i les, em i kirapim tok taim em i askim long dring wara. So yu inap kirapim tok taim yu tok halo na bihain stori long weda o wanpela nius bilong nau. Tingim, namba 1 risen em long kirapim tok, olsem na yu mas stori long wanpela samting we i stret long laik bilong man. Sapos em i no bekim tok, em orait. Kirapim tok gen wantaim narapela. Askim Jehova long strongim yu.—Ne 2:4; Ap 4:29.

• Redi long painim rot na bai yu inap autim gutnius. Larim ol stori bilong yupela i stiaim yupela i go long tok bilong Baibel. Sapos yu hariap long stori long Baibel, man bai tingting planti na em bai stop long toktok. No ken bel hevi sapos stori bilong yupela i pinis paslain long yu autim tok. Sapos yu save pret long autim gutnius, mekim traim long ol tok bilong kirapim tok. [Pilaim na stori long vidio 1.]

• Painim rot long autim tok taim yu kamapim tok i stori long bilip bilong yu na dispela inap kirapim man long givim askim bilong kisim sampela save moa. Jisas i kamapim ol tok i kirapim meri long givim ol askim. Taim Jisas i kirap stori long gutnius, em i bekim ol askim bilong em. [Pilaim na stori long vidio 2, na bihain pilaim na stori long vidio 3.]