MEKIM WOK AUTIM TOK | MEKIM AMAMAS BILONG YU LONG AUTIM TOK I GO BIKPELA
Kisim Helpim Long Ol Bratasista
Bilong helpim yumi, Jehova i givim yumi ol bratasista “i stap long olgeta hap bilong graun.” (1Pi 5:9) Ol inap helpim yumi long karim hevi na mekim yet wok autim tok. Olsem, aposel Pol i kisim helpim long Akwila na Prisila, Sailas, Timoti, na ol narapela.—Ap 18:1-5.
Olsem wanem ol bratasista inap helpim yu long wok autim tok? Ol inap tokim yu long rot bilong bekim askim em planti man long teritori i gat, long mekim ol gobek, o long askim man long stadi wantaim em long Baibel na long mekim Baibel stadi. Tingim wanpela insait long kongrigesen husat inap givim helpim yu nidim, na askim em long helpim yu. Dispela bai helpim yupela, na yupela bai helpim narapela narapela long kisim amamas long wok autim tok.—Fl 1:25.
PILAIM VIDIO KISIM AMAMAS LONG WOK BILONG KAMAPIM DISAIPEL—KISIM HELPIM LONG JEHOVA— OL BRATA BILONG YUMI, NA BIHAIN BEKIM OL DISPELA ASKIM:
-
Olsem wanem Neeta i kirapim Jade long go long miting?
-
Bilong wanem yumi mas askim ol narapela pablisa long sindaun wantaim yumi long Baibel stadi?
-
Olgeta long kongrigesen i save wok wantaim long kamapim disaipel
Wanem wanpela samting em Jade na Abigay i save laikim?
-
Wanem sampela pasin bilong autim tok em ol bratasista inap skulim yu long en?
