Long mun Novemba, yumi olgeta bai givim bel long autim gutnius olsem nupela taim i klostu nau. (Sg 37:10, 11; Re 21:3-5) Stretim gut sediul bilong yu na bai yu inap insait long dispela wok. Sapos yu pulimapim fom bilong insait long painia haptaim, yu ken makim sapos yu laik lusim 30 o 50 aua.

Redi long kamapim wanpela skripsa i stori long nupela taim wantaim planti manmeri. Taim yu makim skripsa, makim skripsa we bai i stret long ol manmeri long teritori bilong yu. Sapos man i soim olsem em i gat laik long harim long taim yu bungim em long namba 1 taim, givim em wanpela kopi bilong pablik edisen bilong Wastaua No. 2 2021. Bihain, hariap long mekim gobek na yusim buklet Stap Amamas Oltaim! long kirapim Baibel stadi. Yumi amamas tru long givim bel long autim “gutnius long ol samting i gutpela moa”!—Ai 52:7.

PILAIM ORIJINEL SINGSING THE NEW WORLD TO COME, NA BIHAIN BEKIM OL DISPELA ASKIM:

• Liklik gel i piksaim wanem gutpela samting bai kamap long bihain?

• Yu wet long lukim wanem gutpela samting long nupela taim?

• Olsem wanem pasin bilong tingim tingim ol samting yu bilip na wet long en i redim yu long insait long autim gutnius long Novemba?—Lu 6:45