Tok Bilong God i save redim tru yumi long karim ol hevi long dispela taim bilong las de we i givim hatwok long yumi. (2Ti 3:1, 16, 17) Tasol sampela taim, yumi mas kisim helpim long painim ol stiatok bilong Baibel we i stret long wanpela samting i painim yumi. Olsem, ating yu wanpela papa o mama i painim edvais long mekim bikpela long ol pikinini? Ating yu wanpela tineja i bungim ol hevi i traim bilip bilong yu? Ating yu wanpela wido meri o wido man i krai sori long poroman marit bilong yu i dai? Yu inap painim ol pablikesen na ol vidio long jw.org we bai stiaim yu i go long ol stiatok bilong Baibel long helpim yu long dispela hevi na ol narapela samting tu.​—Pr 2:3-6.

Long jw.org hom pes, makim BIBLE TEACHINGS. (Lukim piksa 1.) Long lista, makim samting yu laik lukim. O makim LIBRARY > ARTICLE SERIES na makim samting yu laik lukim. (Lukim piksa 2.) Yu inap painim ol wankain samting long JW Library^®. * Yu ken lukim ol dispela wankain atikol long dispela 2-pela hap. Narapela wei em yu ken painim wanpela topik stret yu laikim long rot bilong yusim search baten long jw.org.

Taipim ol dispela topik long hap search, na makim ol atikol we yu laik ritim.

• Raising children

• Teenage depression

• Death of a mate