BIHAINIM PASIN KRISTEN
Larim Jehova i Helpim Yu Long Taim i Gat Pasin Buli
Pasin buli inap kamapim hevi long bodi na tingting bilong yumi. Na tu, ol inap mekim na yumi no strong long bilip sapos ol i birua long lotu bilong yumi. Hau bai yu lukautim yu yet long pasin buli?
Planti lain i lotuim Jehova i bin winim hevi bilong pasin buli taim ol i larim Jehova i helpim ol. (Sg 18:17) Olsem, Esta i tokaut long plen bilong wanpela man nogut i mekim pasin buli em Haman. (Est 7:1-6) Paslain long em i mekim olsem, em i soim olsem em i larim Jehova long helpim em taim em i tambu long kaikai inap sampela de. (Est 4:14-16) Jehova i blesim samting Esta i mekim na em i lukautim em na lain bilong em.
Ol yangpela, sapos wanpela i mekim pasin buli long yu, askim Jehova long helpim yu na toktok long wanpela i gat bikpela krismas, olsem papamama, long hevi bilong yu. Yu inap bilip olsem Jehova bai helpim yu olsem em i bin helpim Esta. Yu inap mekim wanem moa bilong karim hevi bilong pasin buli?
WATSIM VIDIO YANGPELA LAIP BILONG MI—HAU MI INAP KARIM HEVI BILONG PASIN BULI? NA BIHAIN BEKIM OL DISPELA ASKIM:
-
Ol yangpela inap kisim wanem skul long Charlie na Ferin?
-
Ol papamama inap kisim wanem skul long tok bilong Charlie na Ferin long helpim pikinini long taim i gat pasin buli?
