Planti manmeri i holim tingting kranki long ol lain i mekim wok bos. Wai na ol i holim tingting kranki long ol? Kirap long bipo yet, ol man i bin mekim wok nogut long namba bilong ol long helpim ol yet. (Mai 7:3) Tasol yumi amamas olsem ol elda long kongrigesen i kisim trening long yusim namba bilong ol long helpim lain bilong Jehova.—Est 10:3; Mt 20:​25, 26.

Ol elda i save winim mak na bai ol i mekim wok bilong lukautim ol narapela bikos ol i laikim Jehova na ol manmeri bilong em. Dispela em narapela kain long wok bos bilong ol man long dispela graun. (Jon 21:16; 1Pi 5:​1-3) Jisas i stiaim ol dispela wasman long helpim wan wan pablisa na bai ol i pilim olsem ol i hap bilong famili bilong Jehova husat i lotuim em na bai ol i stap klostu long em. Ol i hariap long givim helpim long ol bilong strongim bilip bilong ol long taim wanpela samting i kamap na ol i mas hariap long kisim helpim long haus sik na long taim wanpela disasta i kamap. Sapos yu nidim helpim, i gutpela yu toktok wantaim wanpela elda long kongrigesen bilong yu.—Jem 5:14.

WATSIM VIDIO OL WASMAN I LUKAUTIM OL SIPSIP, NA BIHAIN BEKIM OL DISPELA ASKIM:

• Mariana i kisim wanem helpim long ol elda?

  Bekim

• Elias i kisim wanem helpim long ol elda?

  Bekim

• Ol dispela stori i mekim na yu gat wanem tingting long ol elda?

  Bekim