Kamapim planti kaikai, dispela tasol i no inap pinisim pasin bilong stap hangre. Long nau, ol i ting olsem ol fama i save groim ol kaikai inap long 12 bilion manmeri i ken kaikai—em 5 bilion manmeri moa winim populesen bilong graun olgeta long nau. As tru bilong hevi bilong stap hangre em pasin bilong ol man long tingim tumas profit, i no tilim gut kaikai, na westim nating ol kaikai.

Klostu 24 pesen bilong ol man i gat bikpela save long mekim wok bilong mani, ol i ting olsem “ol i mas mekim pasin i no stret o brukim lo bilong gavman na bai wok bilong ol i ken kamap gut.” Na inap 16 pesen i tokaut olsem ol bai brukim lo “sapos ol bai no inap kisim strafe long dispela.”

Long Ajentina, 3-pela long olgeta 5-pela 5-pela tisa i askim long kisim malolo long wok bikos long presa o pasin bilong kros pait long ples wok bilong ol.

I no longtaim na long Saut Korea, planti man bai sindaun wanpis na ol i no sindaun moa wantaim ol narapela.

Ol i ting olsem 66 pesen bilong ol biktaun bilong Saina i no inap winim mak gavman i putim long kamapim klinpela win long 2016. Na tu, ol i skelim olsem wara ol i save kisim aninit long graun i “nogut o i nogut tru.”