LONG namel bilong wanpela ples drai nating, long nait taim ples i tudak pinis, wel pusi bilong wesan i save lusim ples hait bilong en na kam ausait na sanap. Em i lukluk nabaut na putim gut yau long harim nois bilong ol narapela animal. Bihain, em i lindaun na wokabaut isi isi antap long wesan i go.

Kwiktaim tru dispela wel pusi i save kalap i go holimpasim abus bilong en—wanpela rat. Bihain long dispela em i save wok yet long painim abus long nait olgeta na sampela taim em i mas kalap i go long spes bilong kisim abus. Taim em i kisim planti abus na em i no inap kaikai olgeta, em i save karamapim long wesan na haitim i stap. Long bikmoning em i save go bek long ples hait bilong en na i no save kam ausait long taim bilong san. Skelim sampela samting bilong dispela animal.