YU TING WANPELA I BIN WOKIM?
Yau Bilong Grasopa Katydid i Save Harim Gut Ol Saun
GRASOPA Katydid (Copiphora gorgonensis) bilong Saut Amerika i gat tupela yau em ol i liklik na sais bilong ol em aninit long 1 milimita, tasol ol i save wok wankain olsem yau bilong ol man. Dispela grasopa inap harim na save long saun bilong ol samting i stap longwe tru. Olsem, em inap save long wanem em krai bilong wanpela katydid, na wanem em krai bilong wanpela blakbokis i painim abus.
![[Sat long pes 16]](https://assetsnffrgf-a.akamaihd.net/assets/m/102013367/univ/wpub/102013367_univ_cnt_2_xs.jpg)
YAU BILONG KATYDID
Tingim: Yau bilong katydid i stap long tupela fran lek bilong en. Em i wok wankain olsem yau bilong ol man, yau bilong katydid inap harim ol nois, skelim, na save em nois bilong wanem samting na i kam long wanem hap. Tasol ol saientis i painimaut olsem insait long yau bilong katydid i gat wanpela kain samting olsem blista. Wok bilong dispela blista i wankain olsem wok bilong wanpela kain samting olsem koil (cochlea) i save stap insait long yau bilong ol man, tasol dispela blista em i liklik tru. Dispela samting olsem blista i helpim katydid long harim gut ol saun.
Profesa Daniel Robert bilong University of Bristol’s School of Biological Sciences long Yunaitet Kingdom i tok, dispela save bai helpim ol ensinia long “wokim ol liklik masin tru bilong helpim man long harim gut tok, winim ol kain masin i bin stap bipo.” Na tu, ol saveman i ting dispela bai helpim wok bilong kamapim ol nupela teknoloji olsem altrasaun masin samting, na ol X-rei na sken masin samting bilong haus sik.
Yu ting wanem? Yau bilong grasopa katydid inap harim gut ol saun, i kamap long rot bilong evolusen? O wanpela i bin wokim?
Ating Yu Bai Laikim Tu
KIRAP!
Seip Bilong Ol Sel Bilong Solwara
Seip na disain bilong sel bilong solwara i save banisim bodi bilong en i stap insait.
KIRAP!
Braitpela Blu Kala Bilong Pollia Beri
Dispela beri i no gat blu ing bilong kamapim kala, tasol em i gat strongpela blu kala we i no stap long ol narapela prut. Hau na skin bilong en i gat blu kala?
KIRAP!
Gras Bilong Ota Bilong Solwara
Sampela animal bilong i stap long kolwara i gat bikpela gris aninit long skin na dispela i helpim bodi bilong ol long i stap hot. Tasol ota bilong solwara i narapela kain.
KIRAP!
Ai Bilong Binen Bilong Wokim Hani
Olsem wanem pasin bilong binen long flai isi isi na sindaun long ol plaua i helpim ol man long wokim ol robot i save flai?
KIRAP!
Gras Bilong Silva Anis Bilong Sahara
Dispela narakain silva anis em wanpela bilong ol animal we i save raun long ples i hat, tasol i no gat gras long bel bilong en. Wanem samting i helpim em long daunim kain strongpela hat?
KIRAP!
Tret Bilong Kina Sel Bilong Solwara
Ol kina sel bilong solwara i gat ol tret we i helpim ol long hangamap o pas long ol samting. Save yumi kisim long disain bilong ol dispela tret inap helpim yumi long kamapim ol nupela rot long joinim ol tul samting long ol bilding, o joinim ol masol long ol bun.
