YU TING WANPELA I BIN WOKIM?
Lait Bilong Photuris Paiaflai
HAP bilong bel bilong binatang Photuris paiaflai we lait i save kamap long en i gat ol grile em ol i no slip stret antap long narapela narapela, na dispela i mekim na lait em binatang i kamapim i brait tru. a
Ol grile i no slip stret antap long narapela narapela
Tingim: Ol saveman i painimaut olsem long sampela paiaflai i gat ol grile i stap antap long bel bilong ol na ol dispela grile i fold fold olsem ol mak bilong kapa bilong haus. Wanpela sait bilong ol grile i save fold i go antap liklik tasol na man i no inap lukim long ai. Dispela fold i mekim na lait bilong binatang i save lait strong moa inap 50 pesen; em bai i no lait olsem sapos ol grile i slip stret tasol antap long narapela narapela!
Yu ting dispela save inap helpim ol man long wokim ol liklik balb we i save kamapim lait (LED) em ol i yusim we i save wok long paua? Bilong painimaut, ol saientis i wokim ol LED na karamapim wantaim glas balb we i fold fold kain olsem lait bilong paiaflai. Wanem samting i kamap long dispela? Lait em LED i kamapim i save brait moa inap 55 pesen! Savemeri Annick Bay i tok: “Bikpela samting em dispela wok painimaut i soim olsem yumi ken lainim planti samting taim yumi stadim gut ol samting i gat laip olsem ol animal na diwai samting.”
Yu ting wanem? Lait bilong Photuris paiaflai i kamap long rot bilong evolusen? O wanpela i bin wokim?
a Ol saientis i no bin stadim olgeta kain dispela paiaflai.
Ating Yu Bai Laikim Tu
KIRAP!
Seip Bilong Ol Sel Bilong Solwara
Seip na disain bilong sel bilong solwara i save banisim bodi bilong en i stap insait.
KIRAP!
Gras Bilong Ota Bilong Solwara
Sampela animal bilong i stap long kolwara i gat bikpela gris aninit long skin na dispela i helpim bodi bilong ol long i stap hot. Tasol ota bilong solwara i narapela kain.
KIRAP!
Ai Bilong Binen Bilong Wokim Hani
Olsem wanem pasin bilong binen long flai isi isi na sindaun long ol plaua i helpim ol man long wokim ol robot i save flai?
KIRAP!
Tret Bilong Kina Sel Bilong Solwara
Ol kina sel bilong solwara i gat ol tret we i helpim ol long hangamap o pas long ol samting. Save yumi kisim long disain bilong ol dispela tret inap helpim yumi long kamapim ol nupela rot long joinim ol tul samting long ol bilding, o joinim ol masol long ol bun.
