BIKPELA hevi i save painim klostu olgeta manmeri. Maski man i no gat planti samting o man i gat gutpela sindaun, em bai bungim hevi.

BAIBEL I TOK:

“Ol man i save ran strong tumas i no save winim resis. Ol strongpela soldia i no save winim pait. Ol man i gat gutpela tingting o bikpela save, ol i no save kisim planti mani samting. Na ol hapman bilong kain kain wok, ol i no save kisim ol bikpela wok. Taim nogut i save painim yumi olgeta.”—Saveman 9:11.

Hevi bai painim yu, tasol em i bikpela samting long tingim samting yu bai mekim taim hevi i kamap. Olsem:

• Bai yu mekim wanem sapos olgeta samting yu gat i bagarap long wanpela disasta?

• Bai yu mekim wanem sapos yu kisim wanpela bikpela sik?

• Bai yu mekim wanem sapos wanpela yu laikim i dai?

Ol Witnes Bilong Jehova, em ol lain i wokim dispela nius i bilip olsem Baibel inap helpim yu long karim ol hevi, na strongim bilip bilong yu long wetim ol gutpela samting bai kamap bihain. (Rom 15:4) Bai yumi skelim 3-pela stori long samting ol man i mekim taim bikpela hevi i kamap.