OL SAIENTIS i laik kamapim ol narapela gutpela rot bilong mekim wok long strong bilong san lait (solar energy), na long dispela rot bai i nogat wok moa long yusim ol masin we i save yusim fiul samting. Wanpela saientis i tok: “Yumi inap kisim save long wing bilong bataflai . . . bilong helpim yumi long wokim ol kain masin olsem.”

Tingim: Long taim bilong san, ol bataflai i save opim ol wing bilong ol long trapim san lait. Na long taim bilong kol ol inap yusim dispela san lait ol i bin trapim long hatim bodi. Wanpela lain bataflai ol i kolim swallowtail em i gat narakain disain long wing bilong en long trapim san lait. Ol dispela bataflai inap mekim olsem bikos wing bilong ol i gat blakpela kala, na tu, i gat ol liklik grile i slip antap long narapela narapela em man i no inap lukim long ai. Ol dispela grile i gat ol liklik hul bilong trapim san lait, na dispela i mekim wing bilong bataflai i blakpela tru, na tu, i helpim bataflai long hatim bodi long taim bilong kol.

Nius Science Daily i tok: “Wing bilong bataflai i no strong tumas, tasol ol saveman i stadim na dispela i helpim ol long wokim ol nupela masin we ol inap yusim wara na san lait.” Ol i laik wokim tu ol masin i wok long lait na ol sola panel samting.

Yu ting wanem? Disain long wing bilong bataflai long trapim san lait i kamap long rot bilong evolusen? O wanpela i bin wokim?◼