MANI KAGO i save lukautim yumi, tasol i gat ol hevi bilong en tu, moa yet long taim bilong las de yumi stap long en. (2 Timoti 3:1-5) Long sampela kantri, ol raskol i save stil long ol maniman na ol turis, na tu, ol i kidnepim ol man na askim long pe bilong baim bek man.

Wanpela nius ripot i stori long kantri i no gat planti wok bisnis na i tok: “Ol man i no gat planti samting i birua long ol maniman, olsem na pasin bilong stil, paulim mani, na kidnepim ol man i go bikpela. Na tu, planti restron i gat ol sekiuriti gad. Na ol maniman i gat ol banis i raunim haus, ol bikpela lait, ol sekiuriti kamera, na ol sekiuriti gad.” Dispela kain pasin i stap long planti kantri.

Baibel i tok: “Ol rabisman i no inap wari.” Dispela stiatok inap helpim yu olsem wanem? Sapos yu stap long ples we pasin raskol na pasin bilong pait na bagarapim man i go bikpela, o yu go raun long kain ples olsem, no ken soim ol man olsem yu gat planti mani samting. Skelim gut klos yu werim, na no ken karim ol samting i gat bikpela pe, olsem mobail fon o laptop samting. Long Sindaun 22:3, Baibel i tok: “Man i gat gutpela tingting, em i save olsem, hevi i laik kamap long em . . . Tasol man i no gat tingting, em i lukim trabel i stap long rot bilong en, na em i go na bungim na karim hevi.”

Savetingting long Baibel i kamapim klia olsem Krieta bilong yumi i tingim yumi na em i laik bai yumi stap gut. Olsem, Saveman 7:12 i tok: “Gutpela tingting i . . . save helpim yumi long taim nogut. . . . Na i helpim yumi moa yet na yumi stap gut olgeta.”