Wai i No Gat Moa Pasin Bilong Rispek Insait Long Famili?
RISEN NA YUMI RISPEKTIM NARAPELA INSAIT LONG FAMILI
Pasin bilong rispektim narapela narapela insait long famili i save strongim famili, olsem na papa, mama, na ol pikinini i pilim olsem ol i stap gut.
-
Buk The Seven Principles for Making Marriage Work i tok taim tupela marit i rispektim narapela narapela ol i soim olsem ol i laikim narapela narapela “i no long ol bikpela samting tasol, nogat, long ol liklik samting tu ol i mekim long olgeta de.”
-
Wok painimaut i soim olsem ol pikinini husat i lain long rispektim ol narapela, ol i holim stretpela tingting long ol yet, pas gut wantaim papamama, na bel na tingting bilong ol i stap isi.
SAMTING YU KEN MEKIM
Famili i toktok wantaim. Namba 1, helpim olgeta insait long famili long kliagut wai i bikpela samting long “rispektim” narapela narapela. Namba 2, raitim long pepa ol pasin em yu laik olgeta insait long famili i ken bihainim, na ol pasin em yupela i no ken mekim. Namba 3, toktok wantaim famili so ol pikinini—na yu yet tu—i ken save long ol samting yupela i ken mekim bilong soim rispek long narapela narapela.
Stap gutpela piksa. Yu save daunim famili bilong yu taim ol i mekim popaia, tok bilas long tingting bilong ol, o yu no laik harim, o katim tok bilong ol taim ol i toktok long yu?
Sampela tingting: Tingim olsem yu gat wok long rispektim poroman marit bilong yu na ol pikinini, maski sapos yu ting i stret long mekim o nogat?
Rispektim narapela maski yu no wanbel long em. Taim yu kamapim tingting bilong yu, abrusim kain tok olsem, “oltaim yu save mekim olsem” o “yu no save mekim olsem.” Kain tok olsem i save bagarapim bel bilong narapela narapela insait long famili na ol i bel hevi, na inap mekim liklik hevi i go bikpela.
WOK MIPELA I MEKIM
Mipela ol Witnes Bilong Jehova i save kirapim ol famili long rispektim narapela narapela, planti taim mipela i stori long dispela pasin long ol atikol, ol buk samting, na ol vidio mipela wokim, na yu inap kisim, em fri.
BILONG OL MARIT: Ol atikol siris Help for the Family inap helpim man na meri marit long . . .
-
putim gut yau long narapela narapela
-
lusim pasin bilong pasim maus na no toktok long narapela
-
lusim pasin bilong tok pait
(Go long jw.org, na lukim “Help for the Family”)
BILONG PAPAMAMA: Ol atikol siris Help for the Family inap helpim papamama long trenim ol pikinini long . . .
-
bihainim tok
-
helpim papamama long ol wok bilong haus
-
lain long tok “plis” na “tenkyu”
(Go long jw.org, na lukim “Raising Children” na “Raising Teenagers”)
Lukim tu Appendix, “Questions Parents Ask,” long buk Questions Young People Ask—Answers That Work, Volume 1. (Go long jw.org, na lukim “Questions Parents Ask”)
BILONG OL YANGPELA: Dispela seksen Teens and Young Adults long jw.org, i gat ol atikol, ol vidio, na ol woksits we inap helpim ol yangpela long . . .
-
pas gut wantaim papamama na ol bratasusa bilong ol
-
rispektim papamama taim ol i toktok wantaim ol long ol lo papamama i putim
-
ol samting ol i ken mekim na papamama i ken trastim ol
(Go long jw.org, na lukim “Teens and Young Adults”)
Em i fri long yusim jw.org websait, no gat pe. No gat wok long sabskraib, o kamap memba bilong yusim dispela websait, na ol i no inap askim yu long pesenel infomesen bilong yu.
