1 Yu Ting i Stret Long Tok God i As Bilong Ol Pen na hevi?
Wai na Em i Bikpela Samting
Planti man i sakim God bikos ol i tok em i as bilong ol pen na hevi.
Tingim
Planti bikman bilong lotu i skulim o givim tingting long ol man olsem God i as bilong ol pen na hevi bilong yumi. Olsem, sampela i tok:
-
Ol disasta em ol panismen i kam long God.
-
Ol pikinini i dai bikos God i laikim sampela moa ensel long heven.
-
God i save sapotim ol woa—dispela i kamapim bikpela pen na hevi.
Tasol olsem wanem sapos tok em ol bikman bilong lotu i mekim long God i no stret? Olsem wanem sapos God i sakim ol?
KISIM SAMPELA SAVE MOA
Lukim vidio Wai na i Gutpela Long Stadi Long Baibel? long jw.org/tpi.
Baibel i Tok
God i no as bilong pen na hevi bilong yumi.
Sapos em i as bilong pen na hevi, dispela i no stret wantaim ol pasin bilong em we Baibel i kamapim. Olsem:
“Olgeta pasin bilong [God] i stret olgeta. . . . Pasin bilong em i gutpela na stretpela tasol.”—LO 32:4.
“God i no inap tru long mekim pasin nogut, God i Gat Olgeta Strong i no inap mekim pasin i no stret. Nogat tru!”—JOP 34:10.
“God i Gat Olgeta Strong i no save paulim kot.”—JOP 34:12.
God i sakim ol lotu i no skulim ol man long stretpela save long em.
Dispela i makim tu ol lotu we i skulim ol man olsem God i as bilong ol pen na hevi bilong yumi, na ol lotu we i insait long ol woa na pasin bilong pait na bagarapim man.
“Ol profet i autim ol tok giaman long nem bilong mi [God]. Mi no bin salim ol na mi no bin tokim ol long autim ol tok, na tu, mi no bin toktok wantaim ol. Ol samting ol i lukim long visen . . . na ol samting ol i autim long yupela, em ol tok giaman ol i autim long tingting bilong ol yet.”—JEREMAIA 14:14.
Jisas i givim strongpela tok long ol lotu i gat tupela maus.
“I no olgeta man husat i kolim mi, ‘Bikpela, Bikpela,’ bai i go insait long Kingdom bilong heven, nogat. Man i bihainim laik bilong Papa bilong mi long heven, em tasol bai i go insait. Long dispela de planti bai tokim mi: ‘Bikpela, Bikpela, mipela i bin mekim tok profet long nem bilong yu, na rausim ol spirit nogut long nem bilong yu, na mekim ol strongpela wok long nem bilong yu.’ Tasol mi bai tokim ol: ‘Mi no save liklik long yupela! Yupela klia long mi, yupela ol man nogut!’”—MATYU 7:21-23.
Ating Yu Bai Laikim Tu
BEKIM BILONG OL ASKIM BILONG BAIBEL
Wai na God i Larim Ol Natsi i Kilim i Dai Planti Milion Manmeri?
Planti i laik save wai na God i gat pasin laikim i larim bikpela pen na hevi i painim ol man. Ol gutpela bekim i stap long Baibel!
WASTAUA
Ol Pen na Hevi—Em Panismen i Kam Long God?
Tru tru God i givim sik na hevi long ol man bilong panisim ol long ol sin bilong ol?
