WASTAUA—STADI EDISEN Ogas 2014

Dispela Wastaua i gat ol atikol bilong stadi long en long Septemba 29 i go inap Oktoba 26, 2014.

Yu Kisim ‘Kaikai Long Taim Stret’?

Yu ting yumi mas i gat olgeta kaikai em gutpela wokboi i givim na bai dispela i helpim yumi long stap strong long bilip?

Ol Meri i Mekim Wanem Wok Bilong Kamapim Samting Jehova i Tingting Pinis Long Mekim?

Kisim save long olsem wanem pasin bilong bikhet long God i putim hevi long ol man na ol meri. Skelim ol ekspiriens bilong sampela bilipmeri bilong bipo. Na tu, kisim save long olsem wanem ol meri Kristen i helpim wok bilong God long nau.

Yusim Tok Bilong God—Em i Gat Laip!

Olgeta Witnes Bilong Jehova i laik mekim gut wok autim tok. Kisim save long sampela gutpela rot bilong yusim Tok Bilong God na ol liklik nius bilong yumi taim yumi toktok wantaim ol man.

Jehova i Kam Klostu Long Yumi

Yumi mas kisim pasin bilong pas gut wantaim Jehova. Kisim save long olsem wanem pe bilong baim bek man na Baibel i soim klia olsem Jehova i kirapim yumi long i go klostu long em.

Harim Nek Bilong Jehova Maski Yu Stap Long Wanem Hap

Kisim save long olsem wanem em i bikpela samting long putim yau long nek bilong Jehova na toktok wantaim em. Dispela stadi bai helpim yumi long luksave long olsem wanem yumi no ken larim Satan na ol laik nogut bilong bel i pasim yumi long putim yau long nek bilong Jehova.