SAMPELA MAN I BILIP olsem yumi gat tewel i no save dai, na ol arapela i ting taim man i dai em i pinis olgeta. Yu bilip long wanem tok?

BAIBEL I TOK

“Ol man i dai pinis, ol i no inap save long wanpela samting.” (Saveman 9:4, 5) Taim yumi dai, yumi nogat save na yumi no inap mekim wanpela wok.

SAMPELA SKUL YUMI KISIM LONG BAIBEL

• Taim fes man Adam i dai, em i tanim i kamap graun gen. (Stat 2:7; 3:18, 19) Olsem tasol, taim yumi dai bai yumi kamap olsem graun gen.—Saveman 3:19, 20.

• Ol man i dai pinis i bekim pe bilong ol sin bilong ol. (Rom 6:7) Olsem na taim ol i dai, ol i no kisim panismen long wanpela hap.

BAI YU BEKIM OLSEM WANEM?

• Yes

• Nogat

• Ating

BAIBEL I TOK

“Bai i gat kirap bek bilong ol man i dai pinis.”—Aposel 24:15.

YUMI KISIM WANEM SKUL LONG BAIBEL?

• Planti taim Baibel i tok taim man i dai, i olsem em i slip tasol. (Jon 11:11-14) God inap long kirapim bek ol man i dai pinis, wankain olsem yumi kirapim wanpela man husat i slip.—Jop 14:13-15.

• Baibel i kamapim sampela stori bilong kirap bek, na dispela i helpim yumi long bilip olsem ol man i dai pinis bai kirap bek.—1 King 17:17-24; Luk 7:11-17; Jon 11:39-44.