God i putim yau i stap. Baibel i tokim yumi olsem “Jehova i save stap klostu long ol manmeri i save singaut long em i helpim ol, em ol manmeri i save bihainim pasin i tru na i singaut long em. . . . Em i save harim krai bilong ol long kisim helpim.”—Buk Song 145:18, 19.

God i laik bai yu beten long em. Baibel i tokim yumi: “Long olgeta samting, kamapim ol askim bilong yupela long God, mekim long rot bilong ol beten, na long ol prea we yupela i beten strong, na long ol beten bilong tok tenkyu long God.”—Filipai 4:6.

God i tingim tru yu. God i save long ol samting yumi tingting planti na wari long en, na em i laik helpim yumi. Baibel i tok: “God i save wari long yupela, olsem na yupela i mas putim olgeta hevi bilong yupela long han bilong em.”—1 Pita 5:7.