Long graun i gat planti man tru i heitim ol narapela. Ol man i soim pasin bilong heitim narapela long kain kain rot. Olsem, ol i luk daun long ol man bilong narapela lain, o skin kala, o tokples, o mekim ol tok i nogutim ol, na paitim o bagarapim ol. Yu ting pasin bilong heitim narapela inap pinis? Ol atikol long dispela magasin bai soim olsem ol tok bilong Baibel inap helpim yumi long lusim pasin bilong heitim narapela. Na ol i stori tu long tok promis bilong God long pinisim tru pasin bilong heitim narapela.