ROT BILONG LUSIM PASIN BILONG HEITIM NARAPELA
1 | Mekim Wankain Pasin Long Olgeta Man
Tok Bilong Baibel:
“God i save mekim wankain pasin long olgeta man. Na em i save laikim [olgeta man] husat i save pret long em na bihainim stretpela pasin maski [ol] i bilong wanem lain.”—APOSEL 10:34, 35.
Mining Bilong En:
Jehova * God i no save skelim yumi bilong wanem kantri, lain, skin kala, o kalsa bilong yumi. Nogat, bikpela samting em i save lukluk long tingting na laik i stap long bel bilong man. Baibel i tok “ol man i save lukluk long bodi. Tasol Jehova i save lukim bel bilong man.”—1 Samuel 16:7.
Samting Yu Ken Mekim:
Tru, yumi no inap lukim bel bilong man, tasol yumi ken traim long bihainim pasin bilong God na tingim olgeta man i wankain. Traim long lukluk long pasin bilong wan wan man, na i no wanpela lain olgeta. Sapos yu luksave olsem yu gat tingting kranki long ol narapela—ating ol i bilong narapela skin kala o narapela lain—beten askim God long helpim yu long lusim dispela pasin. (Buk Song 139:23, 24) Sapos yu beten askim Jehova long givim yu strong long mekim wankain pasin long olgeta man, yu ken bilip olsem em bai harim beten bilong yu na helpim yu.—1 Pita 3:12.
^ Jehova em nem bilong God.—Buk Song 83:18.
“I no gat wanpela taim bipo we mi bin sindaun wantaim wanpela waitman . . . Nau mi insait long lain brata tru i stap long olgeta hap bilong graun.”—TITUS
Ating Yu Bai Laikim Tu
WASTAUA
Jehova “i Save Mekim Wankain Pasin Long Olgeta Manmeri”
God i save harim beten bilong ol man i lotuim em maski ol i i gat wanem kain kala skin, bilong wanem ples, ol i gat namba o nogat. Olsem wanem yumi save long dispela?
KIRAP!
Baibel i Tok Wanem Long Pasin Bilong Bel Nogut Long Man Bilong Narapela Skin?
Ol man bilong narapela skin i wankain? Pasin bilong bel nogut long man bilong narapela skin bai pinis?
KIRAP!
Bel Nogut Long Narapela Lain—Yu Gat Dispela Pasin?
Wanem sampela mak i soim olsem yumi bel nogut long narapela lain?
