Gutpela Samting Bai Painim Ol Man i Dai Pinis
Dai i save painim yumi olgeta. Tasol i gat rot bilong pinisim dai? Yu ting God i tingim ol man i dai pinis? I gat gutpela samting bai painim ol man i dai pinis?
SKELIM TOK BAIBEL I MEKIM:
GUTPELA SAMTING BAI PAINIM OL MAN I DAI PINIS
“Olgeta man i stap long matmat ol bai . . . kam ausait.”—Jon 5:28, 29.
God i tingim ol man i dai pinis; ol man i stap long memori bilong em bai kisim laip gen.
BAI I GAT KIRAP BEK LONG GRAUN
“Bai i gat kirap bek bilong ol man i dai pinis, em ol stretpela man na ol man nogut wantaim.”—Aposel 24:15.
Planti bilion manmeri bai kirap bek na ol bai gat laik long i stap laip oltaim na stap bel isi tru.
KIRAP BEK EM SAMTING TRU BAI KAMAP
“[God] i save kaunim namba bilong ol sta; em i save kolim nem bilong olgeta wan wan bilong ol.”—Buk Song 147:4.
God i save kolim nem bilong olgeta wan wan sta, olsem na em inap tingim olgeta manmeri em bai kirapim bek.