Ritim Hetman 11:​30-40 bilong kisim skul long stori bilong Jepta na pikinini meri bilong em long pasin bilong inapim ol tok promis.

Skelim ol tok i stap paslain na bihain. Ol Israel em ol i stap gut long God, ol i gat wanem tingting long pasin bilong mekim ol tok promis long Jehova? (Nam. 30:2) Olsem wanem Jepta na pikinini meri bilong em i soim olsem ol i bilip long Jehova?—Het. 11:​9-11, 19-24, 36.

Mekim sampela moa wok painimaut. Jepta i tingim wanem samting taim em i mekim tok promis bilong em? (w16.04 7 par. 12) Jepta na pikinini meri bilong em i lusim wanem ol samting bilong inapim tok promis bilong em? (w16.04 7-9 par. 14-16) Long nau, ol Kristen inap mekim wanem kain ol tok promis?—w17.04 5-8 par. 10-19.

Luksave long ol skul yu kisim. Askim yu yet:

• ‘Wanem samting inap helpim mi long inapim tok promis bilong dediket mi bin mekim?’ (w20.03 13 par. 20)

• ‘Mi inap lusim wanem ol samting bilong givim bel tru long mekim wok bilong Jehova?’

• ‘Hau mi ken strongim tok promis bilong marit mi bin mekim long poroman bilong mi?’ (Mat. 19:​5, 6; Efe. 5:​28-33)