Yumi olgeta i no gat bikpela haptaim long mekim pesenel stadi. Hau yumi ken yusim gut dispela taim? Wanpela rot em long lusim inap taim long stadi long samting yu ritim. Yu bai kisim gutpela helpim taim yu stadi gut long ol atikol i no gat planti tok winim long taim yu hariap long ritim ol atikol i gat planti tok.

Narapela rot em long makim ol samting i bikpela samting long yu mekim. (Efe. 5:15, 16) Yu ken traim mekim ol dispela samting:

• Ritim Baibel long olgeta de. (Sng. 1:2) Yu ken mekim olsem long rot bilong bihainim Baibel ritim bilong wik em yumi save skelim long miting i save kamap namel long wik.

• Redim Wastaua Stadi na ol hap bilong miting i save kamap namel long wik. Redi long bekim tok.​—Sng. 22:22.

• Sapos yu gat inap taim, traim bes long ritim ol nius bilong yumi na ol atikol i stap long jw.org na watsim tu ol vidio.

• Mekim wanpela stadi projek. Yu ken mekim wok painimaut long wanpela hatwok yu feisim, wanpela askim yu gat, o wanpela Baibel topik em yu laik kliagut moa long en. Bilong kisim sampela aidia, go long “Bible Study Activities” seksen long jw.org.