STADI ATIKOL 39
“Lukim Bikpela Lain Manmeri”!
“Mi lukim bikpela lain manmeri, em ol man i no inap kaunim namba bilong ol. . . . Ol i sanap i stap long ai bilong sia king na long ai bilong Pikinini Sipsip.”—REV. 7:9.
SINGSING 60 [10] Ol i Gat Rot Long Kisim Laip
PRIVIU *
1. Klostu long pinis bilong 100 C.E., aposel Jon i karim wanem hevi?
KLOSTU long pinis bilong yia 100 C.E., ol hevi i kamap na i laik daunim aposel Jon. Em i lapun pinis na em i stap kalabus long ailan Patmos, na i luk olsem ol narapela aposel i dai pinis. (Rev. 1:9) Em i save olsem ol apostet i wok long kamapim ol bilip giaman insait long ol kongrigesen na dispela i mekim na ol kongrigesen i bruk. I luk olsem i no gat moa ol manmeri i stap olsem ol Kristen tru.—Jut 4; Rev. 2:15, 20; 3:1, 17.
Aposel Jon i lukim “bikpela lain manmeri” i werim ol waitpela klos na holim ol han bilong diwai pam (Lukim paragraf 2)
2. Olsem Revelesen 7:9-14 i kamapim, Jon i lukim wanem ol samting long visen? (Lukim fran pes piksa.)
2 Maski ol hevi i kamap, Jon i lukim visen we i givim amamas long em. Wanpela ensel i tokim ol narapela ensel long holim strong ol win bilong kamapim bagarap bilong traipela hevi tru. Ol i mas wet i stap inap long ol wokboi bilong God i kisim pinis mak long poret bilong ol. (Rev. 7:1-3) Ol dispela wokboi em lain 144,000 husat bai mekim wok king wantaim Jisas long heven. (Luk 12:32; Rev. 7:4) Bihain, Jon i lukim narapela grup—bikpela lain manmeri tru—na em i tok: “Lukim”! Ating Jon i kolim dispela tok bikos em i kirap nogut long samting em i lukim. Jon i lukim wanem samting? “Bikpela lain manmeri, em ol man i no inap kaunim namba bilong ol. Ol i bilong olgeta kantri na olgeta traib na olgeta lain pipol na olgeta tokples, ol i sanap i stap long ai bilong sia king na long ai bilong Pikinini Sipsip.” (Ritim Revelesen 7:9-14.) Ating Jon i amamas tru long save olsem wanpela taim bai kamap na bikpela lain manmeri bai lotuim God long stretpela pasin!
3. (a) Wai na visen bilong Jon i mas strongim bilip bilong yumi? (b) Long dispela atikol, yumi bai kisim save long wanem samting?
3 Dispela visen i strongim tru bilip bilong Jon. Em inap
strongim tu bilip bilong yumi bikos yumi stap long haptaim we truim bilong dispela visen i wok long kamap! Long nau, planti milion manmeri i lotuim Jehova na ol i bilip na hop long abrusim bagarap bilong traipela hevi tru na kisim laip oltaim long graun. Long dispela atikol, yumi bai kisim save long hau Jehova i helpim lain bilong em—winim 80 yia i go pinis—long luksave long bikpela lain manmeri ol i husat tru. Na tu, yumi bai skelim 2-pela samting long dispela grup: (1) hamas manmeri i insait long dispela grup na (2) ol i bilong wanem ol ples. Dispela 2-pela poin bai strongim bilip bilong olgeta manmeri husat i bilip long stap insait long dispela grup.BIKPELA LAIN MANMERI BAI STAP WE?
4. (a) Kristendom i no skulim ol man long wanem tok i tru? (b) Ol Sumatin Bilong Baibel i holim wanem bilip?
4 Baibel i tok ol man i bihainim tok bilong God, ol bai kisim laip oltaim long graun. Tasol Kristendom i no skulim ol man long dispela tok i tru. (2 Kor. 4:3, 4) Long nau, planti lotu i skulim ol man olsem ol gutpela man i save go long heven taim ol i dai. Tasol ol Sumatin Bilong Baibel i no holim dispela bilip—ol i stat long pablisim Watch Tower long yia 1879. Ol i bilip olsem God bai kamapim gen Paradais long graun na planti milion manmeri husat i bihainim tok bilong God, ol bai stap hia long graun—na i no long heven. Tasol sampela haptaim i lus paslain long ol Sumatin Bilong Baibel i kliagut long husat tru bai kisim laip long graun.—Mat. 6:10.
5. Ol Sumatin Bilong Baibel i skelim ol skripsa na ol i kisim wanem save long lain 144,000?
5 Ol Sumatin Bilong Baibel i skelim ol skripsa na ol i luksave olsem “God i bin baim bek [sampela manmeri] long graun,” na ol bai mekim wok king wantaim Jisas long heven. (Rev. 14:3) Namba bilong ol em 144,000; dispela lain i givim bel tru long yusim laip bilong ol long mekim wok bilong God taim ol i stap long graun. Orait, olsem wanem long bikpela lain manmeri?
6. Ol Sumatin Bilong Baibel i bilip olsem bikpela lain manmeri bai go stap we?
6 Long visen, Jon i lukim lain 144,000 “i sanap i stap long ai bilong sia king na long ai bilong Pikinini Sipsip.” (Rev. 7:9) Dispela hap tok i kirapim ol Sumatin Bilong Baibel long ting olsem bikpela lain manmeri bai stap tu long heven. Sapos lain 144,000 na bikpela lain manmeri bai stap wantaim long heven, wanem samting bai soim olsem dispela 2-pela grup i no wankain? Pastaim, ol Sumatin Bilong Baibel i ting bikpela lain manmeri i makim ol Kristen husat i no givim bel olgeta long bihainim tok bilong God taim ol i stap long graun. Maski ol i bihainim ol stretpela lo bilong Baibel, ating sampela bilong ol i stap yet olsem ol memba bilong Kristendom. Ol i no givim bel olgeta long laikim God, olsem na ol i no inap mekim wok king wantaim Jisas. Ol bai go long heven, tasol ol i no inap sindaun long sia king, nogat, ol bai sanap long ai bilong sia king.
7. (a) Pastaim Ol Sumatin Bilong Baibel i bilip olsem husat bai stap long graun insait long Wan Tausen Yia? (b) Ol i bin holim wanem tingting long ol bilipman bilong pastaim?
7 Husat lain bai stap long graun? Pastaim ol Sumatin Bilong Baibel i bilip olsem bihain long lain 144,000 na bikpela lain manmeri i go long heven, planti milion manmeri bai stap long graun na kisim ol blesing taim Krais i mekim wok king inap 1 tausen yia. Ol Baibel Sumatin i ting ol dispela manmeri bai mekim wok bilong Jehova na kisim save long em insait long haptaim bilong Wan Tausen Yia. Ol Sng. 45:16.
manmeri i bihainim ol lo bilong Jehova, ol bai kisim laip oltaim long graun, na ol man i sakim tok ol bai kisim bagarap. Ol Sumatin Bilong Baibel i ting olsem insait long Wan Tausen Yia, sampela man bai mekim wok olsem “ol prins” long graun—dispela i makim tu ol bilipman bilong pastaim em ol bai kirap bek—na long pinis bilong Wan Tausen Yia ol bai kisim laip oltaim long heven.—8. Ol Sumatin Bilong Baibel i bin bilip olsem i gat wanem 3-pela grup?
8 Ol Sumatin Bilong Baibel i bin bilip olsem i gat 3-pela grup: (1) lain 144,000 husat bai mekim wok king wantaim Jisas long heven; (2) bikpela lain manmeri em ol i no givim bel olgeta long lotuim God, na ol bai sanap long ai bilong sia king bilong Jisas long heven; na (3) planti milion manmeri em ol bai stap long graun na kisim save long Jehova insait long Wan Tausen Yia. * Isi isi, Jehova i helpim lain bilong em long kisim stretpela save long mining bilong visen bilong aposel Jon.—Prov. 4:18.
LAIT BILONG TOK I TRU I LAIT STRONG MOA
Long kibung bilong 1935, planti manmeri moa i kisim baptais; ol i gat hop bilong kisim laip long graun (Lukim paragraf 9)
9. (a) Olsem wanem bikpela lain manmeri inap “sanap i stap long ai bilong sia king”? (b) Olsem wanem ol inap sanap i stap “long ai bilong Pikinini Sipsip”? (c) Wai na yumi ken bilipim nupela save yumi kisim long Revelesen 7:9?
9 Long 1935, ol Witnes Bilong Jehova i kisim stretpela save long bikpela lain manmeri long visen bilong Jon. Ol i luksave olsem i no gat wok long dispela bikpela lain i go long heven na “sanap i stap long ai bilong sia king na long ai bilong Pikinini Sipsip.” Em wanpela tok piksa. Maski ol i stap long graun, ol i luksave olsem Jehova em Nambawan Bos bilong heven na graun na ol i daun long em, na long dispela rot i olsem ol i “sanap i stap long ai bilong sia king.” (Ais. 66:1) Na tu, taim ol i bilip long ofa bilong Jisas long baim bek ol, i olsem ol i sanap i stap “long ai bilong Pikinini Sipsip.” Olsem tasol, Matyu 25:31, 32 i tok “olgeta lain man”—na ol man nogut tu—i “kam bung long ai” bilong Jisas long sia king bilong em. Yumi save olsem olgeta dispela lain man i stap long graun, na ol i no stap long heven. Olsem na yumi ken bilipim nupela save yumi kisim long Revelesen 7:9. I no gat wanpela tok bilong Baibel i soim olsem bikpela lain manmeri bai go long heven. Wanpela grup tasol bai kisim laip oltaim long heven—em lain 144,000 husat bai “stap king” wantaim Jisas na “bosim graun.”—Rev. 5:10.
10. Wai na bikpela lain manmeri i mas kisim save long Jehova paslain long stat bilong Wan Tausen Yia?
10 Kirap long 1935, ol Witnes Bilong Jehova i luksave olsem bikpela lain manmeri i makim olgeta Kristen em ol i stap gut long God na bilip long kisim laip oltaim long graun. Sapos bikpela lain manmeri i laik abrusim bagarap long taim bilong traipela hevi tru, orait ol i mas kisim save long Jehova paslain long Wan Tausen Yia i kirap. Ol i mas soim olsem ol i gat strongpela bilip bambai ol inap “abrusim ol . . . samting i mas kamap” paslain long stat bilong Wan Tausen Yia.—Luk 21:34-36.
11. Wai na sampela Sumatin Bilong Baibel i ting sampela man bai go long heven long pinis bilong Wan Tausen Yia?
11 Olsem wanem long dispela tingting olsem sampela man bai go long heven long pinis bilong Wan Tausen Yia? Tok Inglis Was Taua bilong Februeri 15, 1913 i stori long dispela samting. Yumi inap tok, ‘Wai na ol bilipman bilong pastaim bai kisim laip long graun, na ol Kristen husat i givim
hap bel tasol long lotuim God bai kisim laip long heven?’ Tupela tingting kranki i stiaim ol Sumatin Bilong Baibel long holim dispela bilip: (1) bikpela lain manmeri bai stap long heven na (2) ol Kristen husat i no givim bel olgeta long lotuim God, ol i dispela bikpela lain manmeri.12-13. Ol Kristen God i anointim na bikpela lain manmeri i luksave long wanem samting?
12 Olsem yumi stori pinis, kirap long 1935, ol Witnes Bilong Jehova i luksave olsem ol manmeri husat bai abrusim bagarap long Armagedon, ol tasol em bikpela lain manmeri Jon i lukim long visen. Ol bai “winim dispela traipela hevi tru” long graun, na ol bai “singaut strong olsem: ‘God bilong mipela i sindaun long sia king, na Pikinini Sipsip, tupela i kisim bek mipela.’” (Rev. 7:10, 14) Baibel i tok ol manmeri husat i kirap bek na kisim laip long heven, ol bai kisim “samting i gutpela moa” winim blesing bilong ol bilipman bilong pastaim. (Hib. 11:40) Olsem na ol wanbilip bilong yumi i amamas tru na ol i invaitim ol manmeri long kam lotuim Jehova na bai ol tu inap bilip na hop long kisim laip oltaim long graun.
13 Bikpela lain manmeri i amamas long dispela hop. Ol i save olsem Jehova yet i gat rait long makim husat bai go long heven na husat bai stap long graun. Ol Kristen God i anointim na bikpela lain manmeri i luksave olsem ofa bilong Jisas Krais long baim bek yumi i opim rot long Jehova inap soim bikpela pasin helpim long yumi olgeta.—Rom 3:24.
BIKPELA LAIN MANMERI
14. Bihain long 1935, wai na planti Kristen i holim 2-pela tingting long hau tok profet bilong bikpela lain manmeri bai kamap tru?
14 Lain bilong Jehova i kisim stretpela save long 1935, tasol planti Kristen i holim yet 2-pela tingting long hau tok profet bilong bikpela lain manmeri bai kamap tru. Ronald Parkin i gat 12-pela krismas long dispela taim. Em i tok: “Long dispela yia, inap olsem 56 tausen pablisa i stap long olgeta hap bilong graun, na ating planti bilong ol em ol Kristen God i anointim. Olsem na i no gat planti lain long grup bilong bikpela lain manmeri.”
15. Wanem ol samting i kamap na i opim rot long namba bilong bikpela lain manmeri i go antap?
15 Long ol yia bihain, ol misineri i go long planti kantri, na isi isi namba bilong ol Witnes Bilong Jehova i kamap bikpela. Long 1968, ol Witnes i stat long mekim Baibel stadi wantaim ol manmeri, Ais. 60:22) Long ol yia i go pinis, oganaisesen bilong Jehova i wokim planti gutpela tul bilong helpim ol manmeri long kisim save long tok bilong Baibel. I klia tru olsem bikpela lain manmeri i kam bung—nau namba bilong ol i winim 8 milion.
na ol i yusim buk The Truth That Leads to Eternal Life. Dispela buk i eksplenim tok bilong Baibel, na dispela i kirapim planti manmeri moa long kisim save long tok i tru. Insait long 4-pela yia tasol, moa long 500 tausen manmeri i kisim baptais. Lotu Katolik i lusim strong bilong en long Latin Amerika na planti narapela kantri, na tu, ol i pinisim tambu long wok bilong yumi long Isten Yurop na sampela hap long Afrika, olsem na planti milion manmeri moa i lainim tok i tru na kisim baptais. (OL I KAM LONG KAIN KAIN PLES
16. Bikpela lain manmeri i kam long wanem hap?
16 Long visen, Jon i lukim bikpela lain manmeri em ol i kam long “olgeta kantri na olgeta traib na olgeta lain pipol na olgeta tokples.” Sekaraia i bin tok profet long wankain samting. Em i tok: “Long dispela taim 10-pela man bilong olgeta tokples bilong ol kantri bai kam na ol bai holim longpela klos bilong wanpela Juda, na ol bai tok olsem: ‘Mipela i laik go wantaim yupela, long wanem, mipela i harim olsem God i stap wantaim yupela.’”—Sek. 8:23.
17. Wanem wok i kamap bilong helpim ol manmeri bilong olgeta kantri na tokples?
17 Ol Witnes Bilong Jehova i luksave olsem ol i mas autim gutnius long planti tokples na bai ol manmeri bilong olgeta tokples inap harim tok i tru. Winim 130 yia nau, yumi trensletim ol pablikesen bilong stadi long Baibel. Tasol nau yumi mekim bikpela wok moa bilong trensletim ol pablikesen long winim 900 tokples. Dispela i soim klia olsem Jehova i wok long bungim ol manmeri bilong olgeta kantri na mekim ol i kamap wanpela bikpela lain manmeri; dispela i olsem wanpela mirakel. Ol manmeri bilong God inap ritim Baibel na ol Baibel litresa long planti planti tokples, olsem na maski ol i bilong narapela narapela ples, ol i stap wanbel long lotuim God. Ol i gat nem long sait bilong givim bel tru long autim tok na laikim tru narapela narapela. Dispela i strongim tru bilip bilong yumi!—MINING BILONG VISEN
18. (a) Olsem Aisaia 46:10, 11 i kamapim, wai na yumi no kirap nogut olsem Jehova i truim tok profet i stori long bikpela lain manmeri? (b) Ol manmeri husat i bilip na hop long kisim laip long graun, wai na ol i stap amamas yet?
18 Yumi amamas tru long save long tok profet bilong Jon long bikpela lain manmeri! Yumi no kirap nogut long lukim olsem Jehova i mekim ol gutpela samting tru bilong truim dispela tok profet. (Ritim Aisaia 46:10, 11.) Bikpela lain manmeri i pilim tru pasin bilong Jehova long opim rot long ol inap kisim laip oltaim long graun. God i no anointim ol long mekim wok king wantaim Jisas long heven, tasol ol i stap amamas yet. Long Baibel, yumi ritim stori bilong planti bilip lain em holi spirit i bin stiaim ol, tasol ol i no insait long lain 144,000. Wanpela em Jon Bilong Baptais. (Mat. 11:11) Narapela em Devit. (Apo. 2:34) Ol dispela bilipman wantaim planti moa bilip lain bai kirap bek na kisim laip long paradais long graun. Olgeta bilong ol wantaim bikpela lain manmeri bai i gat rot long soim olsem ol i stap gut long Jehova na daun long wok bos bilong em.
19. Wai na yumi mas helpim planti manmeri moa long joinim bikpela lain manmeri?
19 I no gat wanpela taim bipo we God i bin singautim planti milion manmeri bilong olgeta kantri long i kam bung wantaim na lotuim em. Maski yumi gat hop bilong go long heven o stap long graun, yumi olgeta i mas helpim planti manmeri moa long joinim bikpela lain manmeri bilong “ol arapela sipsip.” (Jon 10:16) Klostu nau, Jehova bai kamapim traipela hevi tru bilong bagarapim ol gavman na ol lotu i mekim nogut tru long ol manmeri. Bikpela lain manmeri bai kisim gutpela blesing tru ol bai kisim laip long graun na lotuim Jehova inap oltaim oltaim!—Rev. 7:14.
SINGSING 139 [55] Piksaim Yu Yet Long Nupela Taim