Rot Bilong Painim Ol Gutpela Poroman
Bilong Ol Yangpela
Rot Bilong Painim Ol Gutpela Poroman
Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.
Ol man insait long stori: Jonatan, Devit, na Sol
Bikpela tok: Bihain long Devit i kilim i dai Goliat, Jonatan i kamap gutpela pren bilong Devit.
1 SKELIM SAMTING I KAMAP.—RITIM 1 SAMUEL 17:57–18:11; 19:1; 20:1-17, 41, 42.
Yu ting Sol i luk olsem wanem? (Givim tingting: Lukim 1 Samuel 10:20-23.)
․․․․․
Devit i tineja yet taim em i bungim Jonatan. Yu ting em i bin luk olsem wanem? (Givim tingting: Lukim 1 Samuel 16:12, 13.)
․․․․․
Taim Devit na Jonatan i lusim narapela narapela, olsem pinis bilong 1 Samuel sapta 20 i stori long en, krai bilong nek bilong ol i kamapim wanem samting?
․․․․․
2 SKELIM I GO MOA.
Baibel i tok ‘Jonatan i givim bel bilong en moa yet long Devit’—o olsem Baibel Contemporary English Version i tok, “Devit na Jonatan i kamap bes pren.” (1 Samuel 18:1) Wanem ol gutpela pasin bilong Devit i kirapim Jonatan long laikim em? (Givim tingting: Lukim 1 Samuel 17:45, 46.)
․․․․․
Krismas bilong Jonatan i winim Devit inap 30 yia. Yu ting wanem sampela gutpela pasin i helpim tupela long kamap “bes pren” maski krismas bilong ol i no wankain?
․․․․․
Wanem sampela mak bilong gutpela pren olsem dispela stori i kamapim? (Givim tingting: Lukim Sindaun 17:17; 18:24.)
․․․․․
Bilong wanem Jonatan i stap gut moa long Devit, winim pasin bilong em long stap gut long papa bilong em?
․․․․․
3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .
Pasin pren.
․․․․․
Stap gut long narapela.
․․․․․
Poromanim ol man i gat bikpela krismas.
․․․․․
Yu ken mekim wanem na bai yu inap kisim ol gutpela pren?
․․․․․
4 WANEM SAMTING LONG DISPELA STORI BILONG BAIBEL YU PILIM TRU? BILONG WANEM YU TOK OLSEM?
․․․․․
YU KEN RITIM SAMPELA NIUS MOA BILONG BAIBEL LONG INTENET LONG www.watchtower.org