Bilong Ol Yangpela

Sutim Tok Giaman Long Em!

JOSEP​—⁠HAP 2

Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

Ol man insait long stori: Josep, Potifar, na meri bilong em

Bikpela tok: Ol i kalabusim nating Josep, tasol Jehova i stap wantaim em.

1 SKELIM SAMTING I KAMAP.​—⁠RITIM STAT 39:​7, 10-23.

Taim meri bilong Potifar i sutim tok giaman long Josep, krai bilong nek bilong em i kamapim klia olsem em i pilim olsem wanem?

․․․․․

Yu ting haus kalabus i luk olsem wanem?

․․․․․

Pastaim Josep i mas karim hevi bilong wanem ol pasin taim em i stap long kalabus? (Givim tingting: Lukim Song 105:​17, 18.)

․․․․․

2 SKELIM I GO MOA.

Sapos Josep i no gat strongpela bilip, em inap kisim wanem tingting taim em i stap long kalabus? (Givim tingting: Lukim Jop 30:​20, 21.)

․․․․․

Olsem wanem yumi ken save olsem Josep i no tok olsem em asua bilong Jehova na em i mas karim ol pen na hevi? (Givim tingting: Lukim Stat 40:8; 41:​15, 16.)

․․․․․

Yu ting wanem ol pasin i helpim Josep long karim hevi taim em i stap kalabus? (Givim tingting: Ritim na tingim tingim ol tok bilong ol dispela skripsa: Maika 7:7; Luk 14:11; Jems 1:⁠4.)

․․․․․

 Josep i kisim wanem skul taim em i stap long kalabus? Olsem wanem dispela i helpim em long i stap bilong em long bihain? (Givim tingting: Lukim Stat 39:​21-23; 41:​38-43.)

․․․․․

3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Ol gutpela samting i painim ol man i sanap strong na karim hevi.

․․․․․

Skul yu ken kisim taim yu wok long karim wanpela hevi.

․․․․․

Gutpela helpim yu kisim long Jehova long taim bilong hevi.

․․․․․

SAMPELA TOK MOA YU KEN MEKIM WOK LONG EN.

Olsem wanem? Sampela taim wanpela samting i bin painim yu na i mekim yu bel hevi na yu pilim olsem yu stap wanpis? Taim dispela hevi i painim yu, ating Jehova i bin helpim yu long wanem rot? (Givim tingting: Ritim na tingim tingim tok bilong 1 Korin 10:13.)

․․․․․

4 YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM?

․․․․․

Yu ken ritim sampela nius moa bilong Baibel long intenet long www.watchtower.org