Yu Gat Wanem Tingting Long Jisas?

Yu ting Jisas em i nupela bebi, em i man i laik dai, o em i King i gat biknem?

Baibel i kamapim olsem Jisas em i King i gat bikpela strong. Tasol wok king bilong em inap helpim yu olsem wanem?

Planti man i bilip olsem Jisas i dai bilong helpim ol. Tasol olsem wanem indai bilong wanpela man i kamap 2,000 yia i go pinis inap helpim ol man long nau?

Mipela i laik singautim yu long kam harim tok bilong Baibel i bekim ol dispela askim. Dispela tok bai kamap long wanpela bung bilong tingim indai bilong Jisas em ol Witnes Bilong Jehova bai mekim. Long dispela yia, dispela bung bai kamap long Fonde, Epril 5, taim san i go daun pinis.

Plis askim ol Witnes Bilong Jehova i stap long hap bilong yu long taim na ples stret dispela bung bai kamap long en.

Long wiken bihain long dispela bung, ol Witnes Bilong Jehova bai kamapim wanpela tok bilong Baibel, nem bilong en, “Yu Ting Taim i Sot Pinis?” Dispela em wanpela spesel tok na em bai kamap long olgeta hap bilong graun, na olgeta man husat i laikim tok i tru na ol i laik kisim sampela save moa long Jisas, ol i ken kam na harim. Mipela i singautim yu tu long kam na harim.