Bekim Ol Askim Bilong Baibel
Wanem nem bilong God?
Olgeta insait long famili bilong yumi i gat nem bilong ol. Ol animal bilong yumi tu i gat nem! I stret God i gat nem bilong em, a? Long Baibel, God i gat planti biknem olsem God i Gat Olgeta Strong, Bikpela King, na Man Bilong Wokim olgeta samting, tasol God i gat nem tru bilong em yet tu.—Ritim Rom 10:13.
Planti Baibel i gat nem bilong God i stap long Song 83:18. Olsem, long Baibel New World Translation of the Holy Scriptures, dispela ves i tok: “Yu, nem bilong yu Jehova, yu wanpela tasol yu God Antap Tru na yu bosim olgeta hap bilong graun.”
Bilong wanem yumi mas kolim nem bilong God?
God i laik bai yumi kolim nem tru bilong em. Yumi save kolim nem bilong ol manmeri yumi laik toktok wantaim ol, olsem ol pren bilong yumi. I stret yumi mekim olsem tu taim yumi toktok wantaim God, a? Jisas Krais tu i bin kirapim ol man long kolim nem bilong God.—Ritim Matyu 6:9; Jon 17:26.
Tasol bilong kamap pren bilong God, yumi mas save gut moa long em na i no save long nem tasol. Olsem, God i gat wanem kain ol pasin? Yumi inap i go klostu long God? Yu inap kisim bekim bilong ol dispela askim long Baibel. Bilong kisim sampela save moa, lukim sapta 1 bilong dispela buk em ol Witnes Bilong Jehova i wokim.
Ating Yu Bai Laikim Tu
OL BIKPELA TOK BILONG BAIBEL
Yu Ting God i Gat Nem?
God i gat planti biknem, olsem God i Gat Olgeta Strong, Krieta, na Bikpela. Dispela vidio i stori long nem bilong God em ol i yusim winim 7,000 taim long Baibel.
BEKIM BILONG OL ASKIM BILONG BAIBEL
God i Gat Hamas Nem?
Ol man inap ting God i gat planti nem olsem ‘Alfa na Omega,’ ‘El Shaddai,’ na ‘Jehova-Jaire.’ Yu ting em i bikpela samting long nem yumi kolim long God?
