Yu save beten long olgeta taim? Planti man i save beten, ol man husat i no bilip long God ol tu i save beten. Tasol wai na ol man i save beten? Wanpela wok painimaut long Frans i tok 50 pesen bilong ol man long Frans i save beten o tingim tingim ol samting bilong “mekim isi bel bilong ol.” Olsem planti man bilong Yurop, ol i no save tingim beten olsem pasin bilong lotuim God, nogat. Ol i “beten bilong ol i ken kisim bel isi.” Sampela man bilong lotu i save beten tasol long God taim ol i nidim helpim na ol i laik bai God i bekim beten bilong ol wantu tasol.—Aisaia 26:16.

Olsem wanem long yu? Yu ting pasin bilong beten em rot tasol bilong helpim yu long skelim gut ol samting? Sapos yu bilip long God, yu pilim olsem beten i save helpim yu long laip bilong yu? O yu pilim olsem God i no save harim ol beten bilong yu? Baibel inap helpim yu long tingim beten olsem wanpela gutpela rot bilong go klostu long God, na i no olsem rot bilong mekim isi tasol bel bilong yu.