Bekim Ol Askim Bilong Baibel
Wanem samting bai painim ol man long bihain?
Hau dai bilong Jisas i opim rot na ol man bai tingim tru narapela narapela long bihain?
Em tru olsem ol saientis bai mekim yet planti wok painimaut. Tasol yu ting ol inap helpim ol man long kisim pasin bilong tingim tru narapela narapela? Nogat tru. Long nau ol man i gat pasin bilong tingim ol yet na ol i no laik helpim ol narapela. Tasol God i tok promis olsem em bai kamapim gutaim long bihain na ol man i bihainim stretpela pasin tasol bai stap oltaim long en.—Ritim 2 Pita 3:13.
Baibel i stori long wanpela taim bai kamap long bihain we olgeta manmeri bai stap wanbel wantaim. Long dispela taim ol man nogut bai pinis, olsem na ol man bai i no pret moa.—Ritim Maika 4:3, 4.
Yu ting pasin bilong tingim yumi yet bai pinis?
Taim God i wokim fes man na meri ol i nogat pasin bilong tingim ol yet. Tasol taim ol i sakim tok bilong God, nau ol i lusim laip i gutpela olgeta. Olsem na yumi ol tumbuna pikinini bilong Adam na Iv tu i kisim pasin bilong tingim yumi yet. Tasol long rot bilong Jisas, God bai helpim ol man long kamap gutpela olgeta.—Ritim Rom 7:21, 24, 25.
Jisas i mekim ol samting i stret wantaim laik bilong God. Em i dai olsem ofa bilong baim bek ol man long sin na dai em yumi bin kisim long Adam. (Rom 5:19) Dai bilong Jisas i opim rot long ol man i ken stap long dispela nupela taim long bihain. Na long dispela taim ol man bai i gat pasin bilong tingim tru ol narapela.—Ritim Song 37:9-11.
Ating Yu Bai Laikim Tu
WASTAUA
Ol Tok Promis Bai Kamap Tru
Plant tok profet bilong Baibel i kamap tru pinis, tasol sampela bai kamap tru long bihain.
WASTAUA
God Bai Pinisim Olgeta Pen na Hevi
Olsem wanem yumi ken save olsem klostu nau God bai mekim samting bilong pinisim olgeta pen na hevi na pasin i no stret?
