Planti i lukim olsem bai i no gat rot long abrusim ol hevi we bai kamap long olgeta hap bilong graun long 2024. Tasol yumi inap bilip na wet long ol gutpela samting bai kamap long bihain. Bai yumi kisim helpim long wanem hap?

 Baibel i tok promis olsem God bai pinisim ol hevi we i mekim na yumi pilim olsem laip i no gat as bilong en. Klostu nau God “bai mekim drai aiwara i stap long ai bilong ol, na bai i no gat dai moa, na ol bai i no bel hevi moa na krai moa, na ol bai i no inap pilim pen gen.”​—Revelesen 21:4.

•   Bilong kisim sampela save moa long ol tok promis bilong Baibel long ol samting bai kamap long bihain, ritim atikol “I Gat Ol Gutpela Samting Bai Kamap Bihain.”

 Baibel i stori long ol gutpela samting yu inap bilip na wet long bihain we bai helpim yu long daunim ol tingting kranki na holim stretpela tingting. (Rom 15:13) Ol gutpela tok bilong Baibel bai helpim yu long karim ol hevi we yu inap bungim long nau, olsem sot long ol samting, wansait pasin, na sik.

•   Kisim save long hau tok bilong Baibel long bilip na wet inap helpim man long kisim bel isi na amamas maski em i go bikpela long hap we ol man i sot long ol samting. Watsim vidio Juan Pablo Zermeño: Jehova i Givim Mi Laip i Gat As Tru.

•   Lukim hau Baibel inap helpim yu long taim yu bel hevi, tingting planti, pilim olsem God i no inap lusim rong bilong yu, na long taim wanpela yu laikim i dai. Ritim atikol “Can I Find Words of Comfort in the Bible?”

•   Lukim hau wanpela i bin wok long ami i tok long em yet olsem “bel hevi i daunim em na em i no save tingim ol narapela” i tok tenkyu olsem em i painim ol tok long ol gutpela samting long Baibel we em inap bilip na wet long en long bihain. Lukim vidio I Put Down My Rifle.

 Mekim ol samting na bai 2024 i stap olsem gutpela yia bilong yu na famili bilong yu. Kisim sampela save moa long hau Baibel inap helpim yu. Mekim friBaibel stadi kos. Luksave long hau God inap “mekim gut” long yumi long nau na “givim gutpela sindaun em yumi inap bilip na wet long en.”​—Jeremaia 29:11.