Long yia 2023, long olgeta hap bilong graun ol saveman bilong helt i luksave olsem em i bikpela samting long wok strong long daunim pasin bilong pilim wanpis. Olsem wanem? Yu ting ol inap daunim dispela hevi?

•   Nambawan Dokta bilong katim man long U.S. em Vivek Murthy, i tok: “Taim yumi pilim wanpis na stap yumi yet dispela inap pinisim amamas na kamapim bikpela bagarap long helt bilong yumi.” Tasol em i tok moa: “Yumi inap mekim samting bilong daunim dispela hevi.” Yumi inap mekim wanem? “Long rot bilong mekim ol liklik samting long olgeta de bilong strongim pasin pren bilong yumi wantaim ol narapela.” a

 Pasin bilong i stap yu yet, dispela tasol i no wanpela risen bilong pilim wanpis. Sampela inap pilim wanpis long taim ol i stap wantaim planti lain. Maski i gat wanem risen na yumi pilim olsem yumi stap wanpis, Baibel inap helpim yumi. Em i kamapim planti gutpela edvis inap helpim yumi long daunim pasin bilong pilim wanpis long rot bilong strongim pasin pren bilong yumi wantaim ol narapela.

 Toktok gut long narapela. Dispela i no makim olsem yumi stori tasol long ol samting yumi pilim, nogat, yumi mas putim gut yau long ol narapela. Taim yu soim olsem yu tingim tru ol narapela, dispela bai strongim pasin pren bilong yu wantaim ol.

•   Stiatok bilong Baibel: “No ken tingim laik bilong yupela yet tasol, nogat, yupela i mas tingim tu laik bilong ol arapela.”​—Filipai 2:4.

 Kisim sampela pren moa. Redi long kamap pren bilong lain husat i gat bikpela krismas o yangpela long yu, o lain bilong narapela kantri o lain husat i gat narapela bekgraun.

•   Stiatok bilong Baibel: “Mekim pasin laikim long bel bilong yupela i go bikpela moa.”​—2 Korin 6:13.

 Bilong kisim sampela save moa long hau yu inap strongim pasin pren bilong yu wantaim ol narapela, ritim atikol “Satisfying Our Hunger for Friendship.”