“Ol bikpela senis long klaimet i putim bikpela presa long ol manmeri, ol taun, na envairomen. Ol strongpela win na ren i wok long i go nogut moa bikos long ol senis i kamap long klaimet, na dispela i bagarapim ol haus na ol gaden samting bilong ol manmeri long olgeta hap bilong graun. Solwara i wok long i go hat, dispela inap mekim na planti samting long solwara inap dai na pinis olgeta.”​—Inger Andersen, under-secretary-general bilong Yunaitet Nesen na executive director bilong UN Environment Programme, Julai 25, 2023.

 Olsem wanem? Ol gavman inap wok bung wantaim na stretim ol dispela hevi i kamap long graun olgeta? Ol inap painim rot bilong pinisim na stretim olgeta dispela hevi?

 Baibel i stori long wanpela gavman we i ken na em bai stretim olgeta hevi bilong envairomen long graun olgeta. Em i tok olsem “God bilong heven bai kamapim wanpela kingdom,” em wanpela gavman bai stretim olgeta hevi bilong graun. (Daniel 2:44) Taim dispela gavman i bosim graun olgeta, ol manmeri “i no inap kamapim wanpela bagarap o bagarapim” narapela narapela o dispela graun.​—Aisaia 11:9.