Long Julai 2022, ol ples i kamap hot tru long graun olgeta winim olgeta taim bipo:

•   “Saina i mekim toksave olsem tempresa i kamap hot tru long klostu 70 biktaun bilong en long dispela mun.”​—Julai 25, 2022, CNN Wire Service.

•   “Long olgeta hap bilong Yurop, tempresa i kamap hot nogut tru na planti kantri i gat ol bikbus i paia.”​—Julai 17, 2022, The Guardian.

•   “Long Sande, tempresa bilong planti biktaun long Amerika i go antap tru winim olgeta taim bipo, na dispela hot tempresa i go long Is Kos na ol hap bilong Saut na Midwes.”​—Julai 24, 2022, The New York Times.

 Olgeta dispela samting i makim wanem? Graun bai bagarap na ol samting i gat laip bai i no stap moa long en? Baibel i tok wanem?

 Yes. Tempresa bilong graun i kamap hot nogut tru i stret wantaim ol samting Baibel i tok profet long ol bai kamap long taim bilong yumi. Olsem, Jisas i tok profet olsem yumi bai lukim “ol samting i mekim [yumi] pret” o “ol kain kain samting bilong mekim [yumi] pret nogut tru.” (Luk 21:11; Buk Baibel) Tempresa bilong graun i go antap tru i mekim na planti manmeri i pret nogut tru olsem ol man bai bagarapim graun.

 Nogat. God i wokim graun bilong ol manmeri i ken stap long en inap oltaim. (Buk Song 115:16; Eklisiastis 1:4) God i no inap larim ol man i bagarapim graun, nogat, em bai “bagarapim ol man i wok long bagarapim graun” olsem em i bin promis long mekim.​—Revelesen 11:18.

 Skelim tupela tok profet i stori long samting God i bin promis long mekim:

•   “Ples nating na ples em graun i drai, ol bai amamas, na ples drai nating bai amamas na ol plaua bai karamapim ples olsem plaua safron.” (Aisaia 35:1) God i no inap larim graun i bagarap na ol samting i gat laip bai i no stap moa long en, nogat, em bai stretim bek ol hap i bagarap.

•   “Yu save lukautim gut graun, na mekim em i gat planti gris na planti kaikai i kamap.” (Buk Song 65:9) God bai blesim graun na em bai kamap wanpela Paradais.

 Bilong kisim sampela save moa long hau klaimet senis i truim tok profet bilong Baibel, ritim atikol “Klaimet Senis na Bihain Bilong Yumi—Baibel i Tok Wanem.”

 Bilong kisim sampela save moa long tok promis Baibel i mekim long graun bai kamap gutpela gen, lukim atikol “Who Will Save the Earth?”