Long nau, i gat inap olsem 70 milion yaupas man na meri long olgeta hap bilong graun, na planti bilong ol i save toktok wantaim ol narapela long rot bilong yusim wanpela bilong winim 200 tokples sain i stap long nau. Sori tru olsem planti taim ol man i save mekim pasin i no stret long ol yaupas, na em i stap ples klia long ol dispela ripot:

•   “Long graun olgeta, planti taim ol man i no save tingim raits bilong ol yaupas na bilong ol man em ol i hatwok long harim.”​—National Association of the Deaf (U.S.).

•   “Ol yaupas manmeri i stap long ol kantri i no gat planti mani kago samting, ol i stap rabis tru na i hatwok long ol i kisim gutpela ediukesen, painim wok mani, na kisim ol infomesen.”​—World Federation of the Deaf.

 God i pilim olsem wanem long ol yaupas man na meri? Baibel i mekim wanem tok long ol yaupas? Na ol Witnes Bilong Jehova i mekim wanem bilong helpim ol long nau?

Tingting God i Gat Long Ol Yaupas

 Baibel i kamapim klia olsem God Jehova a i save tingim ol yaupas. Em i laik bai ol man i mekim pasin fea long ol yaupas, na em i laik bai ol i kisim helpim long skul i kam long em.

 Skripsa: “Yupela i no ken mekim tok bilong bagarapim man i yaupas.”​—Wok Pris 19:14.

 Skripsa: “God i save mekim wankain pasin long olgeta man.”​—Aposel 10:34.

 Skripsa: “Jisas i go raun . . . . na autim gutnius bilong Kingdom.”​—Matyu 9:35.

 Skripsa: Jisas i mekim “ol yaupas i harim tok na ol mauspas i toktok.”​—Mak 7:37.

 Skripsa: “Yau bilong ol yaupas bai harim toktok.”​—Aisaia 35:5.

 Mining: Jehova i tok profet olsem ol yaupas bai harim.​—Aisaia 29:18.

Hau Ol Witnes Bilong Jehova i Helpim Ol Yaupas Long Nau

 Long olgeta hap bilong graun, ol Witnes Bilong Jehova i autim tok God i mekim long gutpela samting bai painim ol yaupas man na meri. Mipela i mekim wanem bilong inapim dispela wok? Mipela i wokim Baibel na ol vidio bilong mekim Baibel stadi long winim 100 tokples sain. Mipela i save mekim tu ol Baibel stadi na ol miting Kristen long tokples sain. Olgeta dispela samting i fri long ol man i laik kisim helpim i kam long God. Bilong wanem? Jisas i tok: “Yupela i kisim fri, olsem na yupela i mas givim fri.”​—Matyu 10:8.

 Yu ken lukim ol dispela samting onlain o daunlodim ol long fon o teblet bilong yu long ol dispela rot:

 JW.ORG. Senisim tokples i stap long pes bilong dispela websait bilong lukim ol pablikesen na ol vidio samting long wanpela tokples sain yu laikim.

 JW Library Sign Language ap. Instolim dispela fri aplikesen long fon o teblet bilong yu, na daunlodim o watsim onlain ol vidio bilong tokples sain.

Mipela i Wokim Wanem Ol Samting Bilong Helpim Ol Man Long Kisim Save Long Baibel?

 Baibel long tokples sain. Baibel New World Translation of the Holy Scriptures long tokples sain bilong Amerika em fes Baibel long graun olgeta we olgeta tok bilong en i stap long tokples sain. Baibel New World Translation olgeta o sampela hap bilong en i stap nau long planti tokples sain, na long olgeta yia mipela i tanim dispela Baibel i go long planti moa tokples sain. (Bilong lukim lista bilong ol tokples o watsim vidio bilong onlain Baibel, lukim blok “ Baibel New World Translation long Tokples Sain.”)

•   Watsim vidio The Complete New World Translation Is Available in ASL bilong save long wok mipela i mekim bilong wokim Baibel long tokples sain.

•   Bilong mekim Baibel ritim bilong yu i kamap gutpela moa, instolim JW Library Sign Language ap. Dispela aplikesen bai helpim yu long makim stret ol ves bilong Baibel long wanpela tokples sain.

•   Dmytro na Vita em tupela yaupas papamama, tasol ol pikinini bilong ol i ken harim. Lukim hau famili bilong ol i kisim helpim long rot bilong watsim vidio bilong Baibel long tokples sain long olgeta de.

 Ol vidio i skulim ol man long Baibel. Ol Witnes Bilong Jehova i wokim ol vidio long tokples sain we i helpim ol manmeri long kliagut na bihainim ol tok bilong Baibel long sait bilong . . .

•   Ol marit na ol famili

•   Ol tineja na ol yangpela i gat 20 krismas samting

•   Ol pikinini

 Baibel stadi kos. Kisim save long ol tok bilong Baibel long tokples sain wantaim helpim bilong wanpela tisa, na yu yet i ken makim taim na hamas de yu laik stadi. Yu yet i ken askim wanpela long soim yu hau mipela i save mekim dispela fri Baibel stadi kos.

 Jeson Senajonon i stap long Filipins. Lukim hau Baibel stadi kos bilong mipela i helpim em long kisim pasin bilong pas gut wantaim God.

 Mario Antúnez i bin stap pasto bilong wanpela lotu long Honduras. Lukim hau em i kisim bekim bilong ol askim bilong Baibel em i bin gat, olsem em i eksplenim long stori bilong em “I Had More Questions Than Answers.”

 Ol miting na ol bikpela bung. Mipela i gat ol kongrigesen na ol liklik grup bilong tokples sain long graun olgeta we ol yaupas man na meri i save bung wantaim bilong kisim save na mekim lotu long olgeta wik. Long olgeta yia, mipela i save oganaisim tu ol bikpela bung long tokples sain bilong skulim ol man long tok bilong Baibel. Long ol miting na ol bikpela bung bilong mipela, mipela i save holim han bilong ol lain i aipas na yaupas na mekim ol toktok long han. Na tu, mipela i wokim ol litresa long rait bilong ol aipas we i no gat pe bilong en.

•   Painim wanpela kongrigesen i stap klostu long yu.

•   Kisim save long ol kibung bilong mipela i save kamap long olgeta yia.

•   Kam long Memorial bilong tingim dai bilong Jisas, em nambawan bikpela bung mipela i save mekim long olgeta yia.

 José Luis Ayala i stap long Meksiko. Taim mama i karim em, em i yaupas na bihain em i kamap aipas. Kisim save long hau em i kisim helpim long kamap wanpela gutpela tisa bilong Baibel.