Ol geng i kamapim bikpela bagarap long Haiti. Kros pait i kamap na putim hevi long ol manmeri long Saut Afrika na Meksiko, na tu, ol narapela kantri long Saut Amerika. Na long ol ples we i no gat planti ol kros pait, i gat ol ripot bilong ol man i stil long haus o bagarapim ol samting long haus na dispela i mekim ol manmeri i no pilim seif na ol i wari na tingting planti.

 Baibel i tok wanem long pasin bilong brukim lo we i wok long i go bikpela long olgeta hap bilong graun?

 Baibel i tok profet olsem pasin bilong brukim lo bai i stap olsem wanpela sain bilong “pinis bilong dispela taim.” (Matyu 24:3) Jisas Krais i kolim ol samting bai kamap olsem sain na em i tok:

•   “Pasin bilong brukim lo bai i go bikpela, olsem na pasin laikim bilong planti manmeri bai i no strong olsem long bipo.”​—Matyu 24:12.

 Baibel i tok profet tu olsem “long taim bilong las de,” ol man bai “i no gat pasin bilong bosim bel, ol bai kamap wail olgeta, ol bai i no laikim ol gutpela pasin.” (2 Timoti 3:1-5) Ol dispela kain pasin bilong ol man i tingim laik bilong ol yet, em wanpela bilong ol risen na yumi lukim pasin bilong brukim lo i wok long kamap long taim bilong yumi.

 Tasol i gat risen na yumi bilip olsem gutpela samting bai kamap. Baibel i tok promis olsem klostu nau bai pasin bilong brukim lo bai i no stap moa.

•   “I no longtaim na bai ol man nogut i no stap moa; yu bai painim ol long ples bilong ol, tasol bai yu no inap lukim ol. Tasol ol man i gat pasin daun, ol bai kisim graun olgeta, na ol bai i stap bel isi tru na dispela bai mekim ol i stap amamas moa yet.”​—Buk Song 37:10, 11.

 Kisim sampela save moa long tok Baibel i mekim long ol gutpela samting yumi ken bilip na wet long en, na wai yumi ken bilip olsem ol samting i kamap long nau i truim tok profet bilong Baibel. Skelim ol dispela atikol.

 “I Gat Ol Gutpela Samting Bai Kamap Bihain”

 “Wanem Sain Bilong “Las De“?”

 “Did the Bible Predict the Way People Think and Act Today?”