Jisas i save long hevi man i karim long taim i gat pasin bikhet na pasin i no fea. Maski em i no mekim rong, ol i sutim nating tok long em, paitim em maski em i no brukim lo, kotim, arestim, na givim em bikpela pen na kilim em i dai. Em i no mekim wanpela rong, tasol em i redi long daunim laik bilong em na “givim laip bilong em olsem pe bilong baim bek planti manmeri.” (Matyu 20:28; Jon 15:13) Nau, olsem King bilong Kingdom Bilong God, klostu nau bai em i kamapim pasin fea long olgeta hap bilong graun, na pinisim tru pasin bikhet.​—Aisaia 42:3.

 Baibel i stori long laip bai wanem kain bihain long taim Jisas i mekim ol dispela samting:

•   “Bai ol man nogut i no stap moa; yu bai painim ol long ples bilong ol, tasol bai yu no inap lukim ol. Tasol ol man i gat pasin daun, ol bai kisim graun olgeta, na ol bai i stap bel isi tru na dispela bai mekim ol i stap amamas moa yet.”​—Buk Song 37:10, 11.

 Yumi inap mekim wanem bilong soim tenkyu bilong yumi long olgeta samting Jisas i mekim pinis na ol samting em bai mekim long helpim yumi? Olsem tok bilong Luk 22:19, Jisas i tokim ol disaipel long tingim dai bilong em. Em risen na long olgeta yia, long aniveseri bilong dai bilong em, ol Witnes Bilong Jehova i save mekim bung. Mipela i laik invaitim yu long kam bung wantaim mipela long mekim Memorial bilong tingim i dai bilong Jisas long Sande, Mas 24, 2024.

Painim wanpela ples bung