Wanpela nius bilong Katolik (Catholic News Service) i tok olsem taim ol i mekim wanpela bung long St. Peter’s Basilica long Mas 25, 2022, Pop Francis i sanap long fran bilong imis bilong Maria na “pasim ai bilong em na daunim het na mekim beten long tingting.” Em i “beten askim Maria” long bel isi. Ripot bilong Vatican News i tok tu olsem “Pop i mekim beten ol i kolim Act of Consecration to the Immaculate Heart of Mary long ol manmeri, moa yet em ol manmeri bilong Rasia na Yukren.”

 Yu ting wanem? Yu ting i stret long sanap long fran bilong wanpela imis na mekim beten o yusim imis long mekim lotu? Skelim ol dispela ves bilong Baibel:

•   “Yupela i no ken wokim wanpela imis o wanpela piksa bilong wanpela samting i stap long ples antap o long graun o long wara i stap aninit long graun. Yupela i no ken brukim skru long ol na lotu long ol, long wanem, mi Jehova, God bilong yupela, na mi laik bai ol man i mas lotu long mi wanpela tasol.”​—Kisim Bek 20:4, 5. a

•   “Ol i wokim ol imis bilong ol long gol na silva, em ol man tasol i bin wokim. Ol i gat maus, tasol ol i no inap toktok; ol i gat ai, tasol ol i no inap lukluk; ol i gat yau, tasol ol i no inap harim toktok; ol i gat nus, tasol ol i no inap smelim samting; ol i gat han, tasol ol i no inap holim wanpela samting; na ol i gat lek, tasol ol i no inap wokabaut; na ol i no inap mekim wanpela singaut o krai long nek bilong ol. Ol manmeri i wokim ol, ol i ken kamap wankain olsem ol dispela imis. Na ol manmeri i save bilip long ol, ol tu i ken kamap wankain olsem ol.”​—Buk Song 115:4-8.

•   “Mi Jehova. Dispela em nem bilong mi; mi no inap serim glori bilong mi wantaim narapela man, o givim biknem bilong mi long wanpela imis, nogat tru.”​—Aisaia 42:8, futnot.

•   “Yupela i mas ranawe long pasin bilong lotuim imis.”​—1 Korin 10:14.

•   “Yupela i mas i stap longwe long ol imis.”​—1 Jon 5:21.

 Bilong kisim sampela save moa long tok Baibel i mekim long pasin bilong yusim imis long mekim lotu, ritim atikol “The Bible’s Viewpoint—Images” o watsim vidio Does God Approve the Use of Images in Worship?

 Ating yu laik kisim save tu long tok Baibel i mekim long ol dispela topik:

•   “The Virgin Mary—What Does the Bible Say About Her?”

•   “Should You Pray to the Virgin Mary?”

•   “Miracles and Apparitions—Signs From God?”

•   “Peace on Earth—How Will It Come?”

Photo credit: Vincenzo Pinto/AFP via Getty Images