Long Mande, Februeri 6, 2023, ol bikpela graun guria i kamap long Teki na Siria.

•   “Wanpela bikpela graun guria i kilim i dai winim 3,700 manmeri long wanpela bikpela hap bilong Teki na long hap not-wes bilong Siria long Mande. Dispela graun guria i kamap long winta taim ples i kol nogut tru, na dispela i putim bikpela hevi tru long planti tausen manmeri em ol i bin kisim bagarap o haus bilong ol i bagarap. Na tu, dispela kol weda i mekim na i hatwok stret long painim ol man em ol i abrusim bagarap.”​—Reuters, Februeri 6, 2023.

 Yumi bel hevi taim yumi ritim stori bilong ol kain hevi olsem. Long ol kain taim olsem, yumi ken kisim helpim long Jehova em i “God bilong mekim isi bel bilong ol man long olgeta kain taim.” (2 Korin 1:3) Em i “mekim isi bel bilong yumi long rot bilong Rait Holi. Na dispela i strongim yumi long wetim gutpela samting.”​—Rom 15:4.

 Long Baibel, yumi kisim save long:

•   Ol tok profet i stori long ol bikpela graun guria.

•   Hau yumi ken kisim bel isi na wetim gutpela samting i kamap bihain.

•   Hau God bai pinisim olgeta pen na hevi.

 Bilong kisim save moa long tok Baibel i mekim long ol dispela topik, ritim ol dispela atikol:

•   “Great Earthquakes—What Did the Bible Prophesy?””

•   ““Where Can I Find Hope?”

•   “God Bai Pinisim Olgeta Pen na Hevi”