Long 2024 Olimpik, inap 5 bilion manmeri samting bai watsim lain bilong pilai gem i kam long 206 kantri. Thomas Bach em presiden bilong International Olympic Committee, em i tok: “Dispela gem em wanpela bilong ol bung we i save mekim ol manmeri i stap wanbel na bel isi. Yumi selebretim dispela pasin bilong Olimpik long i stap bel isi long laip olsem wanpela lain manmeri tasol, maski yumi bilong kain kain kalsa na sindaun.”

 Yu ting Olimpik inap kamapim dispela kain bel isi na pasin wanbel? Yu ting i gat hop bilong pasin wanbel na bel isi tru?

 Ol samting i kamap long Olimpik bilong dispela yia i mekim na ol man i no tingim gem tumas gem. Ol samting i kamap long ol dispela gem i strongim hevi bilong sosaiti na politik we i save mekim ol man i no stap wanbel na bel isi. Em ol hevi bilong human raits, luk daun long ol narapela skin kala, tok bilas long lotu, na wansait pasin.

 Ol intenesenel gem olsem Olimpik em ol bung bilong amamas. Tasol ol dispela bung i save soim o sapotim pasin bilong brukim lain na i no strongim bel isi na wanbel we bai stap oltaim.

 Baibel i tok profet long ol pasin we bai mekim na i hatwok long kamapim pasin wanbel long nau. (2 Timoti 3:1-5) Sapos yu laik kisim sampela save moa long dispela tok profet bilong Baibel, ritim atikol “Did the Bible Predict the Way People Think and Act Today?”

 Baibel i stori long trupela hop bilong bel isi na pasin wanbel we bai stap long olgeta hap na yumi ken trastim. Baibel i tok promis olsem olgeta manmeri long graun bai i stap wanbel aninit long gavman bilong heven em Baibel i kolim olsem “Kingdom Bilong God.”​—Luk 4:43; Matyu 6:10.

 King bilong dispela Kingdom, Jisas Krais, bai kamapim bel isi long olgeta hap bilong graun. Baibel i tok:

 Long nau, tok Jisas i skulim ol man long en i mekim planti milion manmeri long 239 kantri i stap wanbel. Ol Witnes Bilong Jehova long olgeta hap bilong graun i lain long i stap bel isi wantaim ol narapela. Sapos yu laik save long hau ol i mekim olsem, ritim nius Wastaua we i gat dispela taitol “Lusim Pasin Bilong Heitim Narapela.”