Wol hetkota bilong mipela i stap long Amerika. Tasol mipela i no wanpela sekt bilong Amerika, na hia em ol risen:

•   Sampela i tok sekt em nem i makim grup i lusim wanpela bikpela lotu. Ol Witnes Bilong Jehova i no bin stap olsem grup i lusim wanpela lotu, nogat. Mipela i pilim olsem mipela i kirapim gen lotu Kristen we i bin stap long taim bilong ol aposel.

•   Ol Witnes Bilong Jehova i mekim wok bilong ol long planti kantri, winim 230 kantri. Maski mipela i stap long wanem hap, mipela i yusim olgeta samting long laip bilong mipela long sapotim wok bilong Jehova God na Jisas Krais, na i no gavman bilong Amerika o narapela gavman bilong ol man.—Jon 15:19; 17:15, 16.

•   Olgeta tok mipela i bilip long en i kam long Baibel, na i no kam long wanpela lida bilong lotu long Amerika.—1 Tesalonaika 2:13.

•   Mipela i bihainim ol tok bilong Jisas Krais, na i no wanpela lida bilong dispela graun.—Matyu 23:8-10.