Yes. Olgeta Witnes Bilong Jehova i save autim tok—ol meri tu i autim tok, na namba bilong ol meri em sampela milion. Olsem Baibel i tok profet, “planti meri i go autim dispela tok.”—Buk Song 68:11, Buk Baibel.

 Ol meri husat i Witnes Bilong Jehova, ol i bihainim eksampel bilong ol meri em Baibel i stori long ol. (Provep 31:10-31) Maski ol i no go pas long mekim ol wok insait long kongrigesen, ol i insait tru long wok bilong autim tok. Na tu, ol i skulim ol pikinini bilong ol long ol stiatok bilong Baibel. (Provep 1:8) Long rot bilong toktok na pasin bilong ol, ol Witnes meri i wok strong long kirapim ol narapela tu long bihainim ol gutpela pasin.—Taitus 2:​3-5.