Yes, ol Witnes Bilong Jehova i save kisim marasin na ol medikal tritmen. Mipela i traim long lukautim gut helt na bodi bilong mipela, tasol sampela taim mipela “i save go lukim dokta.” (Luk 5:31, Buk Baibel) Sampela Witnes Bilong Jehova ol i dokta, wankain olsem Luk, em wanpela Kristen long taim bilong ol aposel.—Kolosi 4:14.

 Sampela tritmen i no stret wantaim ol stiatok bilong Baibel, olsem na mipela i abrusim ol dispela tritmen. Eksampel, mipela i no kisim blut bikos Baibel i tambuim pasin bilong kisim blut bilong helpim bodi. (Aposel 15:20) Na tu, Baibel i tambuim ol tritmen em wok bilong ol spirit nogut i insait long en.—Galesia 5:19-21.

 Tasol planti medikal tritmen i no pait wantaim ol stiatok bilong Baibel. Olsem na man yet i mas mekim disisen long wanem tritmen em bai kisim. Ating wanpela Witnes inap kisim wanpela kain marasin o tritmen, tasol narapela Witnes i no inap kisim.—Galesia 6:5.