1 Tihosi 12:1-33
12 Kutani Rehobuwama+ a ya eXikeme, hikuva a ku ri eXikeme+ laha tiko hinkwaro ra Israyele ri nga n’wi endla hosi kona.
2 Kuteloko Yerobuwamu+ n’wana wa Nebati a swi twa loko a ha ri aEgipta (hikuva a a baleke Hosi Solomoni, leswaku Yerobuwamu a ya tshama aEgipta),+
3 hiloko va rhumela rito leswaku a vitaniwa. Endzhaku ka sweswo Yerobuwamu ni nhlengeletano hinkwayo ya Israyele va fika va vulavula na Rehobuwama, va ku:+
4 “Loko ku ri tata wa wena u nonon’hwise joko ra hina, kambe wena, vevukisa ntirho wo nonon’hwa wa tata wa wena ni joko rakwe ro tika+ leri a ri vekeke ehenhla ka hina,+ kutani hi ta ku tirhela.”+
5 Hiloko a ku eka vona: “Fambani masiku manharhu ivi mi vuya eka mina.”+ Kutani vanhu va famba.
6 Hosi Rehobuwama a boha makungu ni vakulukumba+ lava a va hamba va tirhela Solomoni tata wakwe loko a ha hanya, a ku: “Xana mi ri ndzi va angula njhani vanhu lava?”+
7 Hikwalaho va vulavula na yena va ku: “Loko namuntlha wo tikombisa u ri nandza eka vanhu lava, kunene u va tirhela,+ u fanele u va hlamula naswona u vulavula na vona hi marito lamanene;+ va ta boheka ku va malandza ya wena nkarhi hinkwawo.”+
8 Kambe, a tshika xitsundzuxo xa vakulukumba lexi va n’wi nyikeke xona, a sungula ku boha makungu ni majaha la-wa ma kuleke na yena,+ lawa a ma n’wi tirhela.+
9 A ya emahlweni a ku eka wona: “Xana hi xihi xitsundzuxo+ lexi mi ndzi nyikaka xona leswaku hi angula vanhu lava va vulavuleke na mina, va ku, ‘Vevukisa joko ra tata wa wena leri a ri vekeke ehenhla ka hina’?”+
10 Hiloko majaha lawa ma kuleke na yena ma n’wi byela, ma ku: “U ta byela+ vanhu lava va vulavuleke na wena, va ku, ‘Loko ku ri tata wa wena, u tikise joko ra hina, kambe loko ku ri wena, ri vevukise ehenhla ka hina’; u ta vula u ku eka vona, ‘Kunene xintihwana xa mina xi nga bumbula ku tlula masenge ya tatana.+
11 Loko ku ri tatana, u mi rhwexe joko ro tika; kambe mina ndzi ta engetela ejokweni ra n’wina.+ Loko ku ri tatana, u mi be hi minkharisa, kambe mina ndzi ta mi ba hi swipamu.’”+
12 Hiloko Yerobuwamu ni vanhu hinkwavo va fika eka Rehobuwama hi siku ra vunharhu, hilaha hosi yi vuleke hakona, yi ku: “Tlhelelani eka mina hi siku ra vunharhu.”+
13 Kutani hosi yi hlamula vanhu hi ku va khahla+ naswona yi tshika xitsundzuxo xa vakulukumba lava va yi tsundzuxeke.+
14 Yi ya emahlweni yi vulavula na vona hi ku landza xitsundzuxo xa majaha,+ yi ku: “Loko ku ri tatana u tikise joko ra n’wina, kambe mina ndzi ta engetela ejokweni ra n’wina. Loko ku ri tatana u mi be hi minkharisa, kambe mina ndzi ta mi ba hi swipamu.”+
15 Hosi a yi va yingisanga vanhu,+ hikuva mhaka leyi yi endleke hi ku rhandza ka Yehovha,+ leswaku hakunene yi hetisisa rito+ leri Yehovha a ri vuleke hi Ahiya+ lowa le Xilo a byela Yerobuwamu n’wana wa Nebati.
16 Loko tiko hinkwaro ra Israyele ri vona leswaku hosi a yi va yingisanga, vanhu va angula hosi, va ku: “Xana hi ni xiavelo xihi eka Davhida?+ A ku na ndzhaka eka n’wana wa Yese. Yana eka swikwembu swa wena,+ Wena Israyele. Sweswi tivonele yindlu ya wena, Wena Davhida!”+ Hiloko Vaisrayele va ya emintsongeni ya vona.
17 Loko ku ri vana va Israyele lava a va tshama emitini ya Yuda, Rehobuwama u ye emahlweni a va fuma.+
18 Kutani Hosi Rehobuwama a rhuma Hadorama,+ loyi a a lawula lava va endlaka ntirho wo sindzisiwa,+ kambe tiko hinkwaro ra Israyele ri n’wi khandla hi maribye,+ a fa. Hosi Rehobuwama a swi kota ku pfuka a nghena ekalichini, leswaku a balekela eYerusalema.
19 Vaisrayele va ya emahlweni va pfukela+ yindlu ya Davhida ku fikela esikwini leri.+
20 Kuteloko tiko hinkwaro ra Israyele ri twe leswaku Yerobuwamu u vuyile, xikan’we-kan’we va rhumela rito leswaku a vitaneriwa enhlengeletanweni, kutani va n’wi endla hosi ya tiko hinkwaro ra Israyele.+ A nga kona la landzeleke yindlu ya Davhida loko ku nga ri nyimba ya Yuda yi ri yoxe.+
21 Loko Rehobuwama a fika eYerusalema,+ xikan’we-kan’we a hlengeleta yindlu hinkwayo ya Yuda ni nyimba ya Benjamini,+ vavanuna lava hlawuriweke, lava tiyeke emirini va nyimpi, va ri 180 000 leswaku va lwa ni yindlu ya Israyele, leswaku va tlherisela vuhosi eka Rehobuwama n’wana wa Solomoni.
22 Kutani rito ra Xikwembu xa ntiyiso ri fika eka Xemaya,+ munhu wa Xikwembu xa ntiyiso,+ ri ku:
23 “Byela Rehobuwama n’wana wa Solomoni, hosi ya Yuda, ni yindlu hinkwayo ya Yuda na Benjamini, ni vanhu hinkwavo, u ku,
24 Yehovha u te: “U nga tshuki u tlhandluka u ya lwa ni vamakwenu, vana va Israyele.+ Un’wana ni un’wana a a tlhelele endlwini yakwe, hikuva leswi swi endleke hi ku rhandza ka mina.”’”+ Hiloko va yingisa rito ra Yehovha,+ va muka hi ku landza rito ra Yehovha.+
25 Yerobuwamu a aka Xikeme+ endhawini ya tintshava ya Efrayimi kutani a tshama eka yona. Hiloko a huma kwalaho a ya aka Penuwele.+
26 Yerobuwamu a sungula ku vula embilwini yakwe,+ a ku: “Sweswi mfumo wu ta tlhelela endlwini ya Davhida.+
27 Loko vanhu lava va ya emahlweni va tlhandluka va ya endla switlhavelo endlwini ya Yehovha eYerusalema,+ mbilu ya vanhu lava yi ta tlhela yi boheka ku vuyela eka hosi ya vona, Rehobuwama hosi ya Yuda; kunene va ta ndzi dlaya+ va tlhelela eka Rehobuwama hosi ya Yuda.”
28 Kutani hosi yi boha makungu,+ yi endla marhole mambirhi ya nsuku,+ yi ku eka vanhu: “Swi nonon’hwa ngopfu eka n’wina ku tlhandlukela eYerusalema. Hi lexi Xikwembu xa wena,+ Wena Israyele, lexi xi ku humeseke etikweni ra Egipta.”+
29 Hiloko a veka rin’wana eBethele+ kutani lerin’wana a ri veka eDani.+
30 Nchumu lowu wu va xivangelo xa ku dyoha,+ vanhu va sungula ku ya emahlweni ka leri ri nga eDani.
31 Kutani a sungula ku endla yindlu ya tindhawu leti tlakukeke+ ni ku endla vaprista hi vanhu lava tolovelekeke, lava a va nga ri vana va Levhi.+
32 Yerobuwamu a endla nkhuvo hi n’hweti ya vunhungu esikwini ra vu-15 ra n’hweti, ku fana ni nkhuvo lowu a wu ri eYuda,+ leswaku a endla magandzelo ealitarini leyi a a yi endlile eBethele, leswaku a endla xitlhavelo xa marhole lawa a ma vumbeke; vaprista va tindhawu leti tlakukeke leti a ti endleke a va tirhisa eBethele.+
33 Hiloko a sungula ku endla magandzelo ealitarini leyi a yi endleke eBethele, hi siku ra vu-15 hi n’hweti ya vunhungu, en’hwetini leyi a tisunguleleke yona a ri yexe;+ a ya emahlweni a endlela vana va Israyele nkhuvo ni ku endla magandzelo ealitarini leswaku a mbulukisa xitlhavelo.+
