1 Timotiya 5:1-25
5 U nga n’wi soli hi matimba wanuna+ la kuleke. Ku ri na sweswo, n’wi khongotele tanihi tata wa wena, vaxinuna lavatsongo tanihi vamakwenu,
2 vaxisati+ lava kuleke tanihi vamanana, vaxisati lavatsongo tanihi vamakwenu vaxisati+ hi vutengi hinkwabyo.
3 Xixima tinoni leti ti nga tinoni+ hi xiviri.
4 Kambe loko noni yo karhi yi ri ni vana kumbe vatukulu, vona a va rhange va dyondza ku hanya hi ku tinyiketela loku nga ni vukwembu endyangwini+ wa vona naswona va hakela ndziho lowu faneleke eka vatswari+ va vona ni vakokwa wa vona, hikuva leswi swa amukeleka emahlweni+ ka Xikwembu.
5 Kutani wansati la nga noni hi xiviri naswona a pfumala xa vumbirhi,+ u veke ntshembo wakwe eka Xikwembu+ naswona wa phikelela eswikombelweni ni le swikhongelweni vusiku ni nhlikanhi.+
6 Kambe loyi a hlongorisaka ku titsakisa+ hi swa nyama u file+ hambiloko a hanya.
7 Kutani hambetani mi nyikela swileriso+ leswi, leswaku va ta pfumala xisandzu.+
8 Hakunene, loko munhu a nga va wundli lava nga va ka vona,+ ngopfu-ngopfu lava nga swirho swa ndyangu+ wakwe, u landzule+ ripfumelo+ naswona u bihe ngopfu ku tlula munhu la nga riki na ripfumelo.
9 Noni leyi nga riki ehansi ka malembe ya 60 hi vukhale a yi tsariwe enxaxamelweni, loko yi ve nsati wa nuna+ un’we,
10 leyi ku nyikeriwaka vumbhoni bya mintirho+ leyinene ha yona, loko yi kurise vana,+ loko yi rhurhele vafambi,+ loko yi hlambise milenge ya vakwetsimi,+ loko yi pfune lava a va ri enhlomulweni,+ loko yi landzele ntirho+ wun’wana ni wun’wana lowunene hi ku gingiriteka.
11 Hi hala tlhelo, tinoni letitsongo u nga ti tsali enxaxamelweni, hikuva loko minsusumeto ya tona ya vuxaka bya rimbewu yi nghene exikarhi ka tona na Kreste,+ ti lava ku nghenela vukati,
12 ta avanyisiwa hikuva ti honise ku kombisa ripfumelo ka tona ko sungula.+
13 Hi nkarhi lowu fanaka ti dyondza ni ku tshama hi mavoko, ti famba-famba hi tindlu; ina, a ti tshami hi mavoko ntsena, kambe ti tlhela ti va vahlevi ni ku nghenelela etimhakeni+ ta vanhu van’wana, ti vulavula hi swilo leswi ti nga fanelangiki ku vulavula ha swona.
14 Hikokwalaho ndzi navela leswaku tinoni letitsongo ti tekiwa,+ ti tswala vana,+ ti langutela ndyangu, ti nga nyiki mukaneti xivangelo xo rhukana.+
15 Entiyisweni, van’wana se va hambukisiwile leswaku va landzela Sathana.
16 Loko ku ri ni wansati la pfumelaka la nga ni tinoni, a a ti pfune,+ naswona vandlha ri nga rhwali ndzhwalo. Kutani rona ri ta pfuna lava nga tinoni+ hi xiviri.
17 Vavanuna lava kuleke lava ungamelaka+ hi ndlela leyinene a va tekiwe va ri lava faneriwaka hi ku xiximiwa+ loku andzisiweke kambirhi, ngopfu-ngopfu lava tirhaka hi matimba eku vulavuleni ni le ku dyondziseni.+
18 Hikuva tsalwa ri ri: “U nga tshuki u siva nomu wa nkunzi loko yi hula ntshovelo”;+ nakambe: “Mutirhi u faneriwa hi hakelo yakwe.”+
19 U nga tshuki u pfumela xihehlo lexi wanuna la kuleke a hehliwaka ha xona, handle ka loko ntsena ku ri hi vumbhoni bya timbhoni+ timbirhi kumbe tinharhu.
20 Vanhu lava hanyaka hi xidyoho+ va tshinye+ emahlweni ka vahlaleri hinkwavo, leswaku ni lavan’wana hinkwavo va ta chava.+
21 Ndza ku lerisa swinene-nene emahlweni ka Xikwembu na Kreste Yesu+ ni le ka tintsumi leti hlawuriweke leswaku u hlayisa swilo leswi handle ka xihlawuhlawu, u nga endli nchumu hi ku ya hi mboyamelo+ wa ku ya hi nghohe.
22 U nga tshuki u tlhandleka munhu+ mavoko+ hi ku anghwetla; naswona u nga hlanganyeli eswidyohweni swa van’wana;+ tihlayise u tengile.+
23 U nga ha tshuki u nwa mati, kambe tirhisa vhinyo+ yitsongo hikwalaho ka khwiri ra wena ni hikwalaho ka ku vabya ka wena ka nkarhi ni nkarhi.
24 Swidyoho swa vanhu van’wana swi tikomba+ erivaleni, swi yisa eku avanyisiweni hi ku kongoma, kambe loko ku ri vanhu van’wana, swidyoho swa vona na swona swi vonaka endzhaku.+
25 Hi ndlela leyi fanaka ni mintirho leyinene yi tikomba+ erivaleni, naswona leyi nga riki tano a yi nge tshami yi fihlekile.+
